Eýrazıalyq ekonomıkalyq odaqtyń biryńǵaı valútasyn qurý máselesi kún tártibinde joq.

Eýrazıalyq ekonomıkalyq odaq (EAEO) jáne Reseı men Belarýstiń Odaqtyq memleketi úshin biryńǵaı valúta engizý máselesi qazir qarastyrylyp jatqan joq. Bul týraly Reseıdiń ekonomıkalyq damý vıse-mınıstri Dmıtrıı Volvach málimdedi.

Sońǵy 3 jylda ulttyq valútalardy paıdalaný tájirıbesin kúsheıttik, bul ósip kele jatqan taýar aınalymyna jaqsy. Bul EAEO-ǵa da, Belarýsqa da qatysty jaǵdaı. Biz esep aıyrysýdyń jańa, senimdi, qorǵalǵan ári úzdiksiz jumys isteıtin tetikterin jasadyq. Ózara operasıalardy kóbeıtip, barlyq ulttyq valútalardy bizdiń valútalyq bırjaǵa qostyq, – dep túsindirdi Volvach.

Onyń aıtýynsha, jańa nemese biryńǵaı valúta engizýge suranys joq, óıtkeni taýar aınalymyn ulttyq valútalar tıimdi qamtamasyz etip otyr. 

Qazirgi tańda EAEO ishindegi esep aıyrysýdyń 90%-dan astamy, al Odaqtyq memleket aıasyndaǵy esep aıyrysýlardyń 95%-dan astamy ulttyq valútalarda júrgiziledi.