Ábilqaıyr Sqaqov Áleýmettik medısınalyq saqtandyrý qorynyń basshysy qyzmetinen ketti.

Pavlodar oblysynyń burynǵy ákimi uıymdy 2023 jyldyń qyrkúıeginen basqardy. Sqaqov Qor basshysy qyzmetinen ketkenin áleýmettik jelidegi paraqshasynda habarlady.

"Búgin men "Áleýmettik medısınalyq saqtandyrý qory" AQ basqarma tóraǵasy qyzmetinen resmı túrde kettim. Bul meniń aldyn ala oılanyp shyǵarǵan baısaldy sheshimim. Mundaı mańyzdy uıymdy basqarý – úlken jaýapkershilik. Men úshin densaýlyq saqtaýdy qarjylandyrý salasyndaǵy memlekettik saıasatty júzege asyrý úlken mártebe boldy", – dep jazdy Sqaqov. 

Sondaı-aq ol qordyń barsha ujymyna qoldaýy men jumysyna alǵys bildirdi. Bul rette ol uıym jumysyn qadaǵalaǵan jýrnalıserge, depýtattarǵa jáne barsha qazaqstandyqtarǵa alǵysyn aıtty.

"Máselelerdi ashyq talqyladyq, áńgimemiz keıde qyzý bolǵanymen, bizdi – MÁMS-ti jaqsartý degen maqsat biriktirdi", – dedi ol.