Tuzdy shamadan tys tutyný qan qysymyn joǵarylatyp, júrek-qan tamyrlary aýrýlary men ınsýlt qaýpin arttyrady. Bul týraly Qazaqstanda tuz tutynýdy azaıtý jónindegi semınarda aıtyldy.

Qoǵamdyq densaýlyq saqtaý ulttyq ortalyǵynyń basshysy Aıjan Esmaǵambetova:

- Dúnıejúzilik densaýlyq saqtaý uıymynyń zertteýi boıynsha Qazaqstan tuzdy kóp tutynatyn sanaýly elder qataryna jatady. Bizde tuzdy tutyný táýligine – 17 gram. Bul usynylǵan normadan 3, 4 ese artyq. Biraq DDU-nyń dereginshe, táýliktik norma 5 gramnan aspaýy tıis. Sondyqtan Qazaqstanda tuzdy tutynýdy azaıtý elimiz úshin óte mańyzdy, - deıdi. 

Al Qazaqstandaǵy DDS uıymynyń turaqty ókili Skender Syla adamdar tutynatyn tuzdyń kóp bóligi dúkennen satyp alynatyn tamaq ónerkásibi ónimderinde jasyrylǵan deıdi. Onyń aıtýynsha, tuzdy kóp tutyný Qazaqstandaǵy adam óliminiń negizgi sebepteri bolǵan gıpertonıa jáne júrek-qan tamyrlary aýrýlaryna ákeledi. Adamdar tutynatyn tuzdyń 70-75 paıyzy óńdelgen ónimderde jasyrylǵan. Qalǵan 20-25 paıyzyn qazaqstandyqtar tamaq daıyndaǵanda jáne dastarhan basynda qosady, - deıdi Skender Syla.