Astanadaǵy LRT qurylysyna Ulttyq qordan 50,4 mlrd teńge bólingeni ras pa? Bul suraq Úkimettiń baspasóz brıfıńinde kólik mınıstri Marat Qarabaevqa qoıyldy.

Buǵan deıin Ulttyq ekonomıka vıse-mınıstri LRT qurylysyna qajetti qarajattyń bir bóligi Ulttyq qordan alynǵanyn málimdegen edi. Osyǵan oraı, jýrnalıser: “Nege birden qor qarajatyna júgindińizder? Nelikten ınvestor tartý qarastyrylmady?” dep surady.

Mınıstr ne deıdi?

Mınıstr Marat Qarabaevtyń aıtýynsha, bıyl jobany aıaqtaýǵa qosymsha qarjy bólingen. Alaıda onyń naqty qaı kózden alynǵany jáne qandaı ınvestorlardyń qatysatyny týraly sheshimderdi jergilikti bılik qabyldaǵan.

Bul máselemen tolyqtaı Astana qalasynyń ákimdigi aınalysty. Sondyqtan qarjy kózderine qatysty naqty aqparat bere almaımyn. Jalpy, qurylys jumystary men onyń iske qosylýy ákimdiktiń quzyrynda, – dedi mınıstr.

Degenmen, ol Ulttyq ekonomıka mınıstrliginiń Ulttyq qordan qarjy tartylǵany týraly málimetin rastady.

Iá, qarjynyń belgili bir bóligi Ulttyq qordan bólindi. Óıtkeni bul qarajatty bólý bizdiń mınıstrlik arqyly júzege asyryldy, – dep túsindirdi Marat Qarabaev.