Elimiz táýelsizdik alǵaly beri,  jańa dáýirdiń kún tártibinde turǵan ózekti máselesi álemniń bilim keńistiginde jáne eńbek naryǵynda básekege qabiletti, bilikti jas mamandardy qalyptastyrý bolyp tabylady. Ómir únemi ózgerip, qoǵam úzdiksiz damyp otyrǵan jaǵdaıda  bilim berý júıesi de jańa talaptarǵa saı beıimdeledi.

Al, biz, Ál-Farabı atyndaǵy Qazaq ulttyq ýnıversıteti JOO-ǵa deıingi daıyndyq kafedrasynyń ustazdary, (tolyǵyraq: https://farabi.university   saıtynan bile alasyzdar) Qazaqstan jastarynyń Otanshyldyq sezimi men óz eline degen súıispenshiligin damytýǵa tıispiz, basty mindetterimizdiń biri – patrıottyq jáne adamgershilikti qalyptastyrý. Otanymyzdyń damýy úshin bilimdi de bilikti maman daıarlap, óz Otanyn súıgen patrıot azamat tárbıeleý úshin eńbek etip júrgen ustazdar qyzmetiniń orny erekshe.  Óıtkeni  órkenıettiń ózegi, kez kelgen eldiń damýynyń, saıası turaqtylyǵynyń negizi – bilim men ǵylym jáne sanaly tárbıeniń túp tamynynan óris alatyndyǵyna eshkimniń talasy joq. Elimizdiń órkendeýi úshin eń qajettisi bilimdi de bilikti Otansúıgish azamat bolsa, al osyndaı tulǵalardyń qalyptasýyn qamtamasyz etetin bilim oshaqtary bolsa, al bilim ordasynyń jany – ustaz.  Bilim berý isinde jáne tárbıe  jumysynda sheshýshi  ári basty tulǵa – ustaz.

Áleýmettik  tárbıelik máni zor  is-sharalardy uıymdastyrýdyń ózektiligi jalpy qazaqstandyq mádenıetti damytýǵa qatysty naqty máselelermen tikeleı baılanystylyǵymen birge, memleketimizdiń derbes damýynyń mádenı-rýhanı qyrynan qaraǵanda tipti tıanaqtala túsedi. Osy  oraıda qazaqstandyq jastardyń básekege qabiletti mádenı  mentaldigin  qalyptastyrýǵa, zamanaýı  mádenıet klasterlerin damytýǵa baǵyttalǵan sharalardy ótkizý – eldiń rýhanı salasyndaǵy baǵyt-baǵdar beretin úlken máni bar tárbıe ismen sabaqtas uıymdastyrylady.

  Qazaqstandyq jastardyń básekege qabiletti mádenı mentaldigin qalyptastyrý nátıjesinde memlekettigimiz, táýelsizdigimizdiń tuǵyry,   qazaq tiliniń mártebesi, máńgiliktigi  baıandy bolmaq. Sana  serpilisi jaǵdaıynda ǵana qazaq memleketiniń erkin oıly, azat, isker de qabiletti, otanshyl, azamaty ósip shyǵady. Osy oraıda  ulttyq tárbıe máseleleri ultymyzdyń ózin ózgeden aıryqshalaıtyn dara músinniń, derbes minezi men mádenıetin tanyp-túısinýine yqpal eteri sózsiz. Jastardyń rýhanı bolmysy men tanymdyq zerdesin paıymdaýǵa dáneker bolmaq.

 Ál-Farabı atyndaǵy Qazaq ulttyq ýnıversıtetiniń aǵa oqytýshylary: Naralıeva R.T., Begalıeva A.K., Amırkanov M.B.