Bul degenimiz – ata-babalarymyzdan kele jatqan, ulttyq sanamyzda, rýhymyzda, bolmysymyzda ózindik qoltańba retinde qalyptasqan ulttyq ónerimizdi nasıhattaý.

Estetıkalyq turǵydan damyǵan ǵana adam jan-jaǵyndaǵy ózin qorshaǵan álemdi sezine alady. Ásemdikti kórip, ony túsinedi, qorshaǵan ortaǵa zıanyn tıgizbeýge tyrysady. Ozyq tehnologıamyz damyǵan myna zamanda jastarymyzdy ınternet shyrmaýynan alastatý úshin, bos ýaqyttaryn tıimdi paıdalaný maqsatynda ál-Farabı atyndaǵy Qazaq ulttyq ýnıversıtetiniń https://farabi.university/ joǵary oqý ornyna deıingi bilim berý fakúlteti joǵary oqý ornyna deıingi daıyndyq kafedrasynda ártúrli baǵyttaǵy 20-dan asa klýbtar men úıirmeler, startaptar jumys atqarady. Sonyń ishinde «Jas sheber» startaby da bar. Startaptyń maqsaty – babalar murasyn joǵaltpaı, urpaqtan urpaqqa jalǵasýyna kishkene de bolsa úles qosý. Qurylǵanyna birshama ýaqyt bolsa da biraz jetistikterimiz bar. Jas sheberlermen jasalǵan buıymdar kórmelerge shyǵarylyp, keıinnen jármeńkeler uıymdastyryldy. Qoldan óndirilgen buıymdar satyp alýshylar tarapynan qyzyǵýshylyǵyn týǵyzyp, arnaıy tapsyrystar qabyldap, az ǵana bolsa da halqymyzdyń turmystyq qajettiligine jarap jatyr. Bul jerdegi úıirmeniń maqsaty ár tyńdaýshynyń ózderi qoldan jasaǵan zattaryn bolashaqta kishigirim kapıtalǵa aınaldyra alatynyna senim uıalatý bolyp tabylady. Jaqynda ǵana  TDM-9 Indýstrıalandyrý, ınovasıalar, ınfraqurylym aıasynda «Jas sheber» startabynyń sheberleri kórme jáne jármeńke uıymdastyrdy. Bul is-shara  maqsaty – ýnıversıtettegi bilim alýshy jastarǵa qolónerdi nasıhattaý, úıretý, túrli qolóner buıymdarymen tanystyrý. Kórmege kelýshiler de, kórýshiler de kóp boldy. Kórmege qoıylǵan árbir zat kórýshilerdi qyzyqtyryp, qolónerge degen qushtarlyǵyn arta tústi. Kórmege qoldan toqylǵan balalarǵa arnalǵan  oıynshyqtar men kishkentaı qyzdarǵa arnalǵan kóılekter, sómkeler, úıge kıetin súıretpe túrleri, áshekeı buıymdar, qyl qalam sheberiniń qolynan shyqqan týyndylar qoıyldy. Kórmege kelýshiler startap sheberleriniń qolynan shyqqan buıymdarǵa qyzyǵyp, suraqtar qoıyp, satyp alyp jatty. Jas sheberlerimizdiń aldaǵy josparlaǵan jumystaryna sáttilik tileımiz!

JOO-ǵa deıingi bilim berý fakúlteti

JOO-ǵa deıingi daıyndyq kafedrasynyń

oqytýshylary Ibragımova M.N., Mýjıgova G.M.