Alty aıdyń qorytyndysy boıynsha jol apatynan 5,5 myńnan astam bala zardap shegip, 135 bala qaıtys boldy, dep habarlaıdy Bas prokýratýra. Jarty jylda 8,5 mln-ǵa jýyq ákimshilik quqyq buzýshylyq tirkelgen, onyń 7 mln ıaǵnı, 84%-i kólik salasyna qatysty.
"Qaıta jasalatyn zań buzýshylyqtardyń sany erekshe alańdatýshylyq týǵyzýda – onyń sany shamamen 1,5 mln. Onyń ishinde 85 myńǵa jýyq adam úsh nemese odan da kóp osy tektes quqyq buzýshylyqty jasaǵan", - deıdi vedomstvo.
Alty aıdyń qorytyndysy boıynsha jol apatynan 5,5 myńnan astam bala zardap shekti, 135 bala qaza tapty.
"Osy jyldyń 6 aıynda kólik quralyn mas kúıinde basqarǵany úshin 11 myńnan astam adam ákimshilik jaýapkershilikke tartyldy. Olardyń 158-i jol apatyna túsip, saldarynan 282 adam zardap shekti, 17 adam qaza boldy", - deıdi Bas prokýratýra.
İshki ister mınıstrliginiń derekteri boıynsha jyl basynan beri elimizde elektrsamokattardyń qatysýymen 213 jol apaty tirkeldi. Sonyń saldarynan 224 adam zardap shekti. 42 jaǵdaıda apatqa samokat júrgizýshileriniń ózderi kináli bolǵan, 52 adam ártúrli jaraqat aldy.
