Qazaqstanda áleýmettik qoldaýǵa quqyǵy bar azamattar sanattary bekitildi. Tıisti buıryqqa premer-mınıstrdiń orynbasary – ulttyq ekonomıka mınıstri Serik Jumanǵarın qol qoıdy. 

Áleýmettik qoldaýǵa quqyǵy bar jekelegen tulǵalar tizimi jańa Salyq kodeksi aıasynda ázirlengen. Ony bekitetin buıryq kodekspen birge 2026 jylǵy 1 qańtardan bastap kúshine enedi.

Áleýmettik qoldaýǵa quqyǵy bar jeke tulǵalardyń jekelegen sanattaryna kiredi:

• arnaýly memlekettik járdemaqy alýshy;
• memlekettik áleýmettik járdemaqylardy alýshy;
• arnaýly áleýmettik kórsetiletin qyzmetterdi alýshylar;
• zeınetaqy tólemderin alatyn múgedektigi bar adamdar;
• on segiz jasqa tolmaǵan jetim bala jáne (nemese) ata-anasynyń qamqorlyǵynsyz qalǵan bala;
• memlekettik ataýly áleýmettik kómek alýshy;
• áleýmettik máni bar aýrýlardyń tizbesine kiretin aýrýy bar tulǵa;
• aınaladaǵylar úshin qaýip tóndiretin aýrýlar tizbesine kiretin aýrýy bar tulǵa;
• eki aıdan astam eńbekke ýaqytsha jaramsyzdyq merzimi belgilengen aýrýlardyń tizbesine kiretin aýrýy bar tulǵa;
• keıbir sozylmaly aýrýlardyń aýyr túrleriniń tizimine kiretin aýrýy bar tulǵa bolyp tabylatyn jeke tulǵalar jatady.