Kólik mınıstri Marat Qarabaev 2025 jyly qosymsha 4 myń shaqyrym aqyly jol engiziletinin málimdedi. Búginde elimizde mundaı júıe tek 3,2 myń shaqyrym jolda jumys istep turǵanyn eskersek, aqyly jol ýchaskeleriniń sany eki eseden astamǵa artady.

Úkimet otyrysy barysynda Qarabaev búdjet júktemesin azaıtý jáne joldardyń ózin-ózi aqtaýyn qamtamasyz etý maqsatynda qaıta jańartý jáne jóndeý jumystary aıaqtalǵan ýchaskelerde aqyly jol júıesin kezeń-kezeńimen engizý jalǵasatynyn atap ótti.

"Qazirgi ýaqytta elimizde 3 myń 200 shaqyrym aqyly jol júıesi jumys istep tur. 2024 jyly bul júıeden túsken kiris 48 mıllıard teńge boldy. Bıyl qosymsha 4 myń shaqyrym aqyly jol iske qosylady, olardyń kirisi 60 mıllıard teńgege jetedi, al kelesi jyly bul kórsetkish 100 mıllıard teńgege deıin ósýi múmkin", – dedi ol.

Sonymen qatar, mınıstr aqyly joldardan túsken qarajattyń bir bóligin qurylys jumystaryna alynǵan nesıelerdiń paıyzdyq mólsherlemelerin óteýge baǵyttaý máselesi qarastyrylyp jatqanyn aıtty.