"Ulybrıtanıadaǵy egin jınaý jumysyna ornalasýǵa kómektesemin" dep ýáde bergen alaıaqtarǵa qatysty sot úkimi shyqty.

Bul týraly Aqmola oblysy soty baspasóz qyzmeti málimdedi.

Qyzmettik mártebesin paıdalanǵan jumyspen qamtý ortalyǵynyń eki qyzmetkeri qujattardy resimdeýge jáne vıza alýǵa kómektesýge ýáde bergen. Olar ýádelerin oryndamaıtynyn bilse de, konsýltasıalar ótkizip, sharttar jasap, búkil sqemany ázirlegen.

2022 jyldyń jeltoqsanynan 2023 jyldyń qyrkúıegine deıin alaıaqtarǵa 76 adam 31 mıllıon teńgeden astam aqsha salǵan. Olardyń eshqaısysy da atalǵan jumysqa ıe bolmaǵan.

Sot aıyptalýshylardy 76 jaǵdaı boıynsha kináli dep taýyp, tórt jylǵa bas bostandyǵynan aıyrýdy, sondaı-aq jumyspen qamtýǵa baılanysty kez kelgen memlekettik nemese jeke mekemelerde úsh jylǵa deıin qyzmetpen aınalysý quqyǵynan aıyrý jazasyn taǵaıyndady, – delingen sot habarlamasynda.