Jaldamaly jumysshy aǵash kesýdiń qunyn sotta jarıa etti – Boqaevqa qatysty sot otyrysy jalǵasyp jatyr

    Ásel Bolatqyzy
    Jaldamaly jumysshy aǵash kesýdiń qunyn sotta jarıa etti – Boqaevqa qatysty sot otyrysy jalǵasyp jatyr Foto:

    Almaly aýdandyq sotynda tergeý nusqasy boıynsha Sanjar Boqaev uıymdastyrǵan ınsenırovkalardyń tikeleı oryndaýshylaryna qatysty jaýap alý aıaqtaldy. Sot otyrysynda jaldamaly jumysshylar aǵashtar kesilgen qoıylym úshin tólengen aqy mólsherin ǵana emes, polısıadan aıǵaqtardy jasyrý jóninde berilgen nusqaýlar týraly da aıtyp berdi.

    Eki oqıǵaǵa da qatysqan Nursultan Razdyńaıǵaqtary erekshe mańyzdy boldy. Granıt taqtalarǵa qatysty epızod boıynsha ol qurylys materıaldarynyń 200 myń teńgege Úlken Almaty ózeni boıynan tek Boqaevtyńnusqaýymen satyp alynǵanyn rastady. Raztúsirilimniń eki ret júrgizilgenin egjeı-tegjeıli baıandady. Alǵashqyda Tuzdybastaýdataqtalardy túsirý sáti blogerdiń kóńilinen shyqpaǵandyqtan, granıt qaıta satyp alynyp, Besaǵashtaǵy kezdeısoq tańdalǵan qulpytas jasaıtyn sehqa jetkizilgen. Onda Boqaevtaqtalardy túsirý prosesin jeke ózi túsirgen.

    Dál osy azamattar Baým toǵaıyndaǵyjalǵan kórinisti uıymdastyrýǵa da tartylǵan. Jaldamaly jumysshy Danıar Artyqbaev sotta ózin Seıfýllın men Qarasaı batyr kósheleriniń qıylysynda jaldanǵanyn aıtty. AhrıdınHamrakýlov (Núsipqojanyń aıǵaqtarynda ol Aqylbek dep atalady, buǵan deıin mobılograftúsindirgendeı, shyn esimin aıtýǵa qınalǵan Boqaev ony osylaı ataǵan) oǵan aǵash kesýdiń ár saǵatyna 15 myń teńge usynǵan.

    Sol kúni keshke top toǵaıǵa barǵan. Onda Hamrakýlov jaldanǵan adamdarǵa kádimgi jáne benzınmen jumys isteıtin aralardy bergen. Artyqbaev on shaqty aǵashty kesip, kelisilgen 15 myń teńgesin alǵan soń, quraldardy qaıtaryp, oqıǵa ornynan ketken.

    Bul jerde prosestik turǵydan erekshe nazar aýdarýǵa bolatyn jaıt bar: Artyqbaev sotta qamaýda otyrǵan jerinen jaýap berdi. Qazirgi ýaqytta oǵan zorlaý deregi boıynsha aıyp taǵylyp otyr. Prokýrordyń suraǵyna jaýap bergen kýáger bul qylmysty jasaǵanyn moıyndaıtynyn málimdedi.

    Kýáger Raz benzınmen jumys isteıtin aranyń Boqaevpen kezdeskennen keıin, ıaǵnı aqsha alǵannan keıin ǵana Pýshkın kóshesinen satyp alynǵanyn rastady.

    Sondaı-aq, ol sotqa qorǵaý tarapynyń oqıǵanyń saldaryn barynsha azaıtýǵa baǵyttalǵan áreketteri týraly da aıtyp berdi. Onyń sózinshe, aǵashtardy keskennen keıin Hamrakýlov qamaýǵa alynýy múmkin ekenin aldyn ala boljap, beıneúndeýler jazyp daıyndaǵan. Ol Razǵa ózi ustalǵan jaǵdaıda bul beınejazbalardy Boqaevqa jiberýdi tapsyrǵan. Al Boqaev advokattar jaldap, qoǵamdyq rezonans týdyrýy kerek bolǵan. Alaıda bul jospar júzege aspady: polısıa aldymen Razdyustaǵan.

    Qamaýǵa alynǵannan keıin kýáger úlken kompanıanyń burynǵy keńesshisine qarsy aıǵaq berýge qoryqqan. Tipti memlekettik qorǵaýdy qamtamasyz etý týraly aryz jazýǵa májbúr bolǵan. Onyń qaýiptenetin sebebi de bolǵan: Razsotta Boqaevtyń Hamrakýlov arqyly ózderine «polısıa senderdi izdep jatyr, qaladan ketýleriń kerek» degen tikeleı nusqaýyn da jetkizgenin aıtty.

    Sonymen birge, bul otyrysta sot Qylmystyq kodekstiń 190-babynda kózdelgen ekonomıkalyq epızodty da qarady. Bul iske qatysty kýágerler sotqa májbúrli túrde jetkizildi. Qyzylordadaǵy «Sultan Plaza» qonaqúıiniń basshysy Álkenov pen Túrkistandaǵy «Hanaka» qonaqúıiniń basshysy Isqakov turý jáne tamaqtandyrý qyzmetteri«We Can» JSHS-ne kórsetilgenin rastady. Olar tólem somalary tıisinshe 966 myń jáne 890 myń teńge bolǵanyn málimdedi.

    Budan bólek, «SelınSelMash» kompanıasynyń zańgeri Qasmuqanov «BM Trust» JSHS-men júrgizilgen ózara esep aıyrysýlarǵa qatysty jaýap berdi. Belgili bolǵandaı, 2018-2019 jyldary atalǵan fırma elordada jıhaz sehyna arnalǵan aýdany 671 sharshy metr óndiristik úı-jaıdy jalǵa alǵan. Bul rette jyljymaıtyn múlik nysanynyń ózi Sanjar Boqaevtyń jeke menshiginde bolǵan.

    Qatysty tegter :

    Qatysty Maqalalar

    Qarasha aıyndaǵy ataýly kúnder

    Qarasha aıyndaǵy ataýly kúnder

    15:00, 11 qarasha 2026