Qazaqstannyń energetıka mınıstri Almasadam Sátqalıev "Qazaqstan Respýblıkasy Energetıka mınıstrliginiń keıbir buıryqtarynyń kúshi joıyldy dep taný týraly" 27 qańtardaǵy buıryqqa qol qoıdy. Kúshi joıylǵan qujattar tizbesine munaı ónimderiniń baǵasyn memlekettik retteýge qatysty buıryqtar kirdi.

Atap aıtqanda, baǵany memlekettik retteý belgilenetin munaı ónimderiniń tizbesin bekitý týraly buıryqtyń, baǵany memlekettik retteý belgilengen stasıonarlyq avtojanarmaı quıý stansıalary úshin munaı ónimderin bólshek saýdada ótkizýge shekti baǵalardy belgileý týraly buıryqtyń jáne basqalardyń kúshi joıyldy.

Energetıka mınıstrliginde memlekettik retteýdiń kúshin joıý Qazaqstandaǵy benzın men dızel otynynyń baǵasy álemdegi eń tómen baǵalardyń biri bolyp qala beretindigimen negizdeledi. Bul, sonyń ishinde kórshi eldermen aıtarlyqtaı baǵa alshaqtyǵyna ákeledi.

Energetıka mınıstri 28 qańtarda jýrnalıserdiń suraqtaryna jaýap bere otyryp, retteýdiń joıylýyna baılanysty dızel otyny men benzın baǵasynyń ósýi aqpan aıynda kútiletinin aıtty. Alaıda úkimet baǵanyń kúrt ósýi bolmaıdy dep sendiredi.

Sonymen qatar, 23 qańtarda energetıka mınıstriniń, UQK tóraǵasynyń, qarjy mınıstriniń jáne ishki ister mınıstriniń mindetin atqarýshynyń Qazaqstan aýmaǵynan, onyń ishinde EAEO-ǵa múshe memleketterge benzındi, dızel otynyn jáne munaı ónimderiniń jekelegen túrlerin avtomobıl kóligimen áketýge tyıym salýdy engizý týraly birlesken buıryǵy qabyldandy.

Sondaı-aq, EAEO SEQ TN 2710 12 kodtarymen munaı ónimderin temir jol kóligimen áketýge tyıym salynady. Erekshelikke jetkizý josparlaryna sáıkes benzın eksporty, sondaı-aq 2025 jylǵy 1 aqpannan 2025 jylǵy 29 naýryzǵa deıingi kezeńge gýmanıtarlyq kómek kórsetý sheńberinde munaı ónimderin eksporttaý kiredi.