Májilis depýtaty Edil Jańbyrshın otandyq taýar óndirýshilerdiń máselelerin kóterip, memlekettik búdjetke túsetin qarjynyń úsh kózin atady.

Elektr energetıkasy taýarlaryn ózimizde óndirsek, dollardyń kýrsyna asa táýeldi bolmaımyz. Sebebi, taýardy ózimizde shyǵaramyz. Bul teńgeniń az da bolsa kúsheıýine yqpal etedi. Ekonomıserdiń aıtýynsha, memleketke kiretin úsh qarjy kózi bar. Birinshi — eksport, bizde eksporttyń 90% shıkizat, onyń ishinde 58% munaı. Ekinshiden, qarajat qarjy ınstıtýttarynan keled. Onyń kózi azaıyp qaldy. Biz qazir qaryzdy búdjettiń tesigin jabýǵa paıdalanyp otyrmyz. Úshinshi qarjy kózi - Qazaqstanda shyǵarylatyn taýarlar. Al bizde onyń úlesi joqtyń qasy, — dedi Edil Jańbyrshın elordada ótken elektr energetıka salasyndaǵy otandyq taýar óndirýshilerdi memlekettik qoldaý  is-sharasynda.