Fertilo tehnologıasy gormondardy paıdalanýdy azaıtyp, EKU prosesin jeńildetý arqyly bedeýlikti emdeý tásilin ózgertýi múmkin. 

Ádette, áıelder analyq jasýshanyń pisip-jetilýi úshin eki aptalyq gormonaldy yntalandyrý kýrsynan ótýi kerek. Al jańa ádis zerthanada uryq jasýshanyń jetilýiniń tabıǵı prosesin qaıta qurý úshin jas analyq bez jasýshalaryn paıdalanady. Sondaı-aq klasıkalyq EKO-daǵy prosedýralardyń shamamen 80%-yn almastyrady.

Bul emdeý uzaqtyǵyn úsh kúnge deıin qysqartady. Analyq bezdiń gıperstımýlásıasy sındromy sıaqty gormondardyń joǵary dozalarynan týyndaǵan janama áseri men qaýip-qaterdi azaıtady.

“Bul tásil naýqastar úshin prosesti qaýipsiz etip, kúızelisti azaıtady. Ol dástúrli EKO-men birdeı nátıje beredi. Biraq asqyný qaýpi aıtarlyqtaı tómen bolady", – dedi zerthana dırektory jáne zertteýdiń bas jetekshisi doktor Lýıs Gýzman.

Jańa ádispen dúnıege kelgen balanyń anasy bul prosedýra standartty tásilderge qaraǵanda aýyrsynýsyz jáne emosıonaldy túrde jeńil ótkenin aıtady.

Tehnologıa reprodýktıvti medısınada jańa serpilis alyp keldi. Zertteýshiler bul ádisti bedeýlikke shaldyqqandar úshin qoljetimdi ári qaýipsiz sheshim dep sanaıdy. Fertilo tehnologıasyn birneshe elderde qoldanýǵa ruqsat etilgen.