Vladımır Pýtın BAQ ókilderine arnap Sochıde ótken TMD basshylarynyń keńesi men Joǵary Eýrazıalyq ekonomıkalyq keńes otyrystarynyń qorytyndysy boıynsha málimdeme jasady, dep habarlaıdy Qamshy.kz aqparat agenttigi  Kremlin.ru-ǵa silteme jasap. 

Reseı prezıdenti Sochıdegi sharalar baǵdarlamasynyń mazmundy bolǵanyn, ıntegrasıalyq birigý aıasynda ózara áriptestik týraly pikir almasqandaryn jáne alǵa naqty josparlar qoıylǵanyn aıtty. 

TMD quramyndaǵy elder arasynda gýmanıtarlyq salanyń orny erekshe ekenin atap ótip, Otbasy jylynyń aıaqtalyp qalǵanyn aıtty. 2018-shi jyldyń Mádenıet jyly bolatynyn, 2019-shy jyl Kitap jyly, al 2020-shy jyl Jeńistiń 75 jyldyǵan arnalatynyn tilge tıek etti.

Sonymen qatar, ózara dostas elderdiń kezekti mádenı astanalary tańdaldy. 

"Ázirbaıjandyq Gándja qalasy bul estafetany armándyq Gorıs qalasyna beredi, keıin TMD elderiniń mádenı astanasy Brest qalasy, sodan keıin qazaqstandyq Shymkent qalasy bolady", - dedi RF prezıdenti Vladımır Pýtın. 

2018 jyldyń 1 qańtarynan bastap TMD basshylyǵy Reseıden Tájikstanǵa aýysady.