Búgin Halyq banki ornatqan evronyń baǵamy dollarǵa shaqqanda  63.35 teńgege ósken. Dollar satylymy 335.25 teńge, tıisinshe evro 398.6 teńgeni quraıdy. Bul týraly Qamshy.kz aqparat agenttigi jazady.

JPMorgan áıgili amerıkalyq  qarjy holdıńiniń  sarapshysy  Marko Kolanovıch álemdik qarjy naryǵynda ekinshi dúnıejúzilik daǵdarys oryn alǵaly turǵanyn aıtady. Onyń sebebi ótimdiliktiń tómendigi, ınflıasıanyń jıi jáne joǵarǵy qarqynda bolýy, kúıregen qarjy júıesi - osynyń barlyǵy 2008 jylǵy daǵdarys jaǵdaıyn qaıtalaıdy.

JPMorgan daǵdarystyń dál qaı ýaqytta bolatyndyǵyn ashyq aıta almaıdy, biraq onyń áseri 2018 jyly aq, Federaldyq rezervtik júıe (FRJ) qarjysyn qysqarta bastaǵan kezde biline bastaıdy.

Mamannyń aıtýynsha, AQSH-tyń FRJ-ni qyspaqqa alýy naryqtyń quldyraýyna alyp keledi.  2008 jyly tek  saıası baılanystardyń kómeg i tıip, álemdi daǵdarystan shyǵarǵan edi. Bul joly ókinishke oraı,   Reseı men AQSH arasyndaǵy  saıası kıkiljiń bul jaǵdaıdy kerisinshe ýshyqtyrýy múmkin.

JPMorgan eske salǵandaı, ótken jolǵy álemdik daǵdarys ótimdiliktiń tómendiginen bolǵan. Bul joly da dál sol sebepti bolýy múmkin jáne onyń saldary aıtarlyqtaı aýyrtpashylyq týǵyzady.