Qazaqstandyq Cybernet AI startapy túrki tilderine arnalǵan avtomatty sóıleýdi taný (ASR) boıynsha eń aýqymdy modeldi tanystyrdy. Bul – Ortalyq Azıada jasalǵan osyndaı kólemdegi alǵashqy joba jáne aǵylshyn tilinen beıimdelmeı, birden túrki tilderiniń ereksheligine saı jobalanǵan tolyqqandy İİ-model.

Joba Astana Hub, QR Sıfrlyq damý jáne jasandy ıntellekt mınıstrliginiń strategıalyq qoldaýymen, Microsoft GPU-ınfraqurylymynda júzege asyrylǵan.

Astana Hub basqarýshy dırektory Tanat Úskembaevtyń aıtýynsha, bul ázirleme túrki tildes elderge sıfrlyq servısterdi ana tilinde, sapany joǵaltpaı jáne qoljetimdi baǵamen masshtabtaýǵa jol ashady. Qazaqstan úshin bul – daıyn sheteldik İİ sheshimderdi tutynýshydan, óz tehnologıasyn eksporttaı alatyn ázirleýshi elge ótý.

ASR-model qazaq, túrik, ózbek, qyrǵyz, ázerbaıjan jáne tatar tilderinde oqytylǵan. Sonymen qatar, kúndelikti ómirde keń taraǵan túrki-orys aralas sóıleýdi de dál tanıdy.

Buǵan deıin óńir elderi negizinen aǵylshyn tiline baǵyttalǵan halyqaralyq ASR-modelderdi qoldanýǵa májbúr boldy. Olar túrki fonetıkasy men aksentterin tolyq eskermeı, sapany shekteıtin.

Cybernet AI bul tásilden bas tartyp, óńir úshin jáne óńirde jasalǵan jeke model qurdy. Kompanıanyń tehnıkalyq dırektory Rashıd Ismaılov bul jobany Qazaqstannyń tehnologıalyq egemendigine qosylǵan úles dep baǵalad

Jańa model bankterge, telekom-kompanıalarǵa, baılanys ortalyqtaryna, logıstıka men memlekettik qyzmetterge baǵyttalǵan. Jobany daıyndaýshylardyń aıtýynsha, ol shyǵyndy azaıtyp, klıentterge 24/7 daýys arqyly qyzmet kórsetýge múmkindik beredi.