Memleket basshysy Qasym-Jomart Toqaev V Ulttyq quryltaıda Úkimet quramynda kadrlyq aýys-túıis bolýy múmkin málim etti.

- Bul jaǵdaıda meniń tanymal ekonomıserge degen úlken eskertpem bar. Energetıkterge de uqsas eskertpe bar. Kadrlyq sheshimder qabyldaýǵa týra keletin sıaqty. Bizdiń basty strategıalyq maqsatymyz – sapaly ekonomıkalyq ósim qarqynyn báseńdetpeý. Osy maqsatpen ınflásıany tómendetý baǵytynda jumys bastaldy. Jańa ınvestısıalyq sıkl jarıalandy, basqa da sheshimder qabyldanyp jatyr. Ekonomıka men bıznes jańa salyq erejeleriniń rejımine kóship jatyr. Úkimet pen jergilikti atqarýshy organdar birkelki, janjalsyz «fıskaldyq tranzıtti» qamtamasyz etýge mindetti, - dedi Memleket basshysy.

Prezıdent jańa Salyq kodeksin qoldaný kezinde jurttyń syn-usynystary muqıat zerdelenip, qajet bolǵan jaǵdaıda túzetýler engiziletinin atap ótti.

- Tıimdi keri baılanys arnalary qoǵamnyń transformasıasynda erekshe mańyzǵa ıe. Azamattardyń ótinishterimen júıeli jumys isteý arqyly qoǵam tynysyn baqylap, halyqtyń naqty qajettilikterin bilýge, talap-tilekterine ýaqtyly jaýap berýge bolady, - dedi Qasym-Jomart Toqaev.