Eldiń batysynda gaz qoryn tolyqtyrýǵa baǵyttalǵan mańyzdy qadam jasaldy. QazaqGaz pen Agip Caspian Sea B.V. Kamenkovskıı ýchaskesin birlesip zertteý týraly kelisimge qol qoıdy.

Bul bastama ishki naryqtyń turaqtylyǵyna jáne energetıkalyq táýelsizdikke áser etýi múmkin.

Kim qol qoıdy, maqsat qandaı

Qol qoıý rásimine QazaqGaz basqarma tóraǵasy Álibek Jamaýov pen Agip Caspian Sea B.V. tóraǵasy ári basqarýshy dırektory Seger Hoıtınk qatysty. Kelisimniń negizgi maqsaty – jer qoınaýyn geologıalyq zertteý jobasyna úlestik qatysý tartymdylyǵyn baǵalaý kózdelgen.

Seriktestik Memleket basshysynyń tapsyrmalary aıasynda jasalyp, QazaqGaz-dyń gaz resýrstyq bazasyn keńeıtýge baǵyttalǵan strategıalyq basymdyqtarymen úndesedi.

Nege dál osy aımaq tańdaldy

Kamenkovskıı ýchaskesi Prıkaspıı oıpatynyń soltústik borttyq aımaǵynda ornalasqan. Bul óńir gaz jáne gazkondensat ken oryndaryn ashýǵa áleýeti joǵary sanalady.

Osy aýmaqta buǵan deıin Qarashyǵanaq, Chınarev jáne Rojkov tárizdi iri ken oryndary ashylǵan.

Ne zertteledi

Kelisim aıasynda keshendi geologıalyq jáne geofızıkalyq zertteýler júrgiziledi. Osy derekter ýchaskeniń kómirsýtek áleýetin jáne onyń komersıalyq bolashaǵyn baǵalaý úshin tehnıkalyq negiz bolady.

Eger qorlar rastalsa, óńirge jańa ınvestısıa kelýi, qosymsha jumys oryndary ashylýy jáne ishki naryqtyń gazben qamtylýy jaqsarýy yqtımal.

Bul týraly Qamshy.kz aqparat agenttigi habarlaıdy.