Áskerıler aılyǵy taǵy ósedi. Qorǵanys mınıstrligi 2026 jyldyń 1 qańtarynan bastap jalaqyny kóterýdiń ekinshi kezeńin jarıalady.
Bul qadam armıada kadrdy ustap qalýǵa jáne áleýmettik turaqtylyqty kúsheıtýge yqpal etedi.
Ekinshi kezeńde qansha qosylady?
Vedomstvo deregine qaraǵanda, jańa eńbekaqy júıesiniń aıasynda ofıserlerdiń aılyǵy qosymsha 23 paıyzǵa ósedi, al qatardaǵy jáne serjanttyq quramnyń jalaqysy birinshi kezeń deńgeıinen 10 paıyzǵa kóteriledi.
2025-tegi ózgerister jáne dalalyq tólem
2025 jyldyń 1 qańtarynan ofıserlerdiń aılyǵy orta eseppen 20,3 paıyzǵa, al qatardaǵy jáne serjanttardiki 33,9 paıyzǵa artty, dep naqtylady mınıstrlik.
Buǵan qosa, buryn toqtaǵan dalalyq tólem júıesi 1 shildeden qaıta engizildi. Ár táýlik úshin 1,2 MRP mólsherinde aqy tólenedi (2026 jyly 1,2 MRP – 5 190 teńge) jáne ol dalalyq oqý-jattyǵýlarǵa, teńizge shyǵýlarǵa qatysqan kúnder úshin beriledi. Bul tólemdi alý úshin issapar rásimdeý talap etilmeıdi.
Qarjylyq júkteme: nesıe demalysy
Merzimdi qyzmettegi 20 myńnan astam áskerı «nesıe demalysyn» paıdalandy, olardyń jalpy bereshegine shamamen 8 mıllıard teńge jeńildik jasaldy, dep habarlady Qorǵanys mınıstrligi.
Kontekst
Eńbek jáne halyqty áleýmettik qorǵaý mınıstrligi ataǵan eń joǵary jalaqylar men eń suranysty mamandyqtar tizimine áskerı mamandyqtar kirgen joq. Degenmen qorǵanys salasynda eńbekaqy ósimi kezeń-kezeńimen jalǵasyp jatyr.
Aqparat Qorǵanys mınıstrliginiń resmı habarlamasyna súıenip berildi.
Bul týraly Qamshy.kz aqparat agenttigi habarlaıdy.
