Altyn men kúmis baǵasy tarıhı quldyraýdan soń qaıta qalpyna kele bastady. Juma kúni altyn bir kúnde shamamen 10%-ǵa, al kúmis 30%-ǵa deıin arzandap, ondaǵan jyldaǵy eń iri tómendeýdi kórsetti.

Seısenbi kúni spot-altyn shamamen 6%-ǵa ósip, ýnsıasy $4 938 deńgeıine jetti. Kúmis te 10%-ǵa jýyq qymbattap, ýnsıasy $86–87 aralyǵynda saýdalandy.

Sarapshylar bul quldyraýdy naryqtaǵy qysqa merzimdi pozısıalardy qaıta retteý dep baǵalap, altyn men kúmistiń uzaqmerzimdi ınvestısıalyq tartymdylyǵy saqtalǵanyn aıtty. Olardyń pikirinshe, geosaıası táýekelder, rezervterdi ártaraptandyrý jáne ınflásıa faktorlary qymbat metaldardy qoldaı beredi.

Al kúmiske qatysty sarapshylar suranystyń, ásirese kún energetıkasy, derekter ortalyqtary jáne AI ınfraqurylymy salasynda, aldaǵy jyldary aıtarlyqtaı ósetinin atap ótti.