«Aýyl» partıasy Konstıtýsıalyq reformany elimizdiń damý baǵytyn aıqyndaıtyn  tarıhı qadam dep baǵalady. 3 aqpan 2026 jyl, Astana qalasy. Búgin elordada «Aýyl» partıasy Saıası keńesiniń keńeıtilgen otyrysy ótti. Jıyn barysynda partıa músheleri, Parlament depýtattary men qoǵam belsendileri QR Konstıtýsıasynyń jańa jobasyn talqylap, elimizdiń saıası jańǵyrý jolyndaǵy tarıhı qadam retinde biraýyzdan qoldaý bildirdi.​​Jıyndy ashqan partıa Tóraǵasy, Konstıtýsıalyq reforma jónindegi komısıanyń múshesi Serik Egizbaev baıandama jasady. Ol jańa Konstıtýsıany el damýynyń jańa fılosofıasy jáne «Ádiletti Qazaqstannyń» quqyqtyq irgetasy dep atady.​​​​​«Bul qujat - Memleket basshysy Qasym-Jomart Toqaev usynǵan saıası reformalardyń zańdy jalǵasy. Jańa bir palataly Parlament - Quryltaıdyń qurylýy partıalyq júıeni jandandyryp, aýyl eńbekkerleriniń múddesin jańa deńgeıde qorǵaýǵa jol ashady. Biz úshin basty baılyq - tabıǵı resýrs emes, bilimdi, adal ári básekege qabiletti azamat», - dep atap ótti S. Egizbaev.​​Otyrys barysynda kún tártibine sáıkes saıası reformanyń negizgi baǵyttary boıynsha jaryssózder júrgizilip, spıkerler óz tujyrymdaryn ortaǵa saldy.​​​​​​​​ Parlament Májilisiniń depýtaty Jıgýlı Daırabaev 145 depýtattan turatyn Quryltaıdyń tarıhı mańyzyna toqtaldy. Onyń aıtýynsha, bir palataly model búrokratıalyq kedergilerdi joıyp, bılik tetikteriniń ashyqtyǵy men tıimdiligin arttyrady.​​Partıa ardageri Mynaýtaýbıik Ánesov Ata zańda tarıhı-mádenı murany saqtaý men «Din memleketten bólek» qaǵıdatynyń naqtylanýyn joǵary baǵalady. «Bul normalar ulttyq qundylyqtardy qorǵaýdyń quqyqtyq kepili bolmaq»,-dedi ol óz sózinde.​​​​Túrkistan oblystyq fılıalynyń ókili, oblystyq máslıhat depýtaty Nurjan Ájimetov proporsıonaldy saılaý júıesi partıalyq jaýapkershilikti arttyratynyn, al vıse-prezıdent laýazymy memlekettik basqarýdyń sabaqtastyǵyn qamtamasyz etetinin jetkizdi.​​​​​​​​​​​​​Saıası keńes múshesi, Soltústik Qazaqstan oblystyq máslıhat depýtaty Olga Klıshına zań shyǵarý bastamasyna ıe bolatyn Halyq keńesiniń rólin erekshe atady. Ol bul ınstıtýtty bılik pen qoǵam arasyndaǵy, ásirese aýyl turǵyndary úshin tıimdi «altyn kópir» dep sıpattady. ​​​​​​​​​Qyzylorda oblystyq fılıalynyń tóraǵasy, oblystyq máslıhat depýtaty Sadyq Mustafa reformanyń halyqtyq sıpatyna  toqtaldy. Ol Prezıdenttiń Konstıtýsıalyq reformany jalpyhalyqtyq referendým arqyly júzege asyrý týraly bastamasyn demokratıanyń eń joǵarǵy kórinisi dep atady. «Konstıtýsıanyń jańa redaksıasynda bıliktiń birden-bir bastaýy halyq ekeni naqty bekitiledi. Referendým arqyly árbir azamat memleket taǵdyryna tikeleı yqpal etetin belsendi qatysýshyǵa aınalady. Bul - bılik pen halyq arasyndaǵy senimdi nyǵaıtatyn ádiletti jol», - dedi ol.​​​Qostanaı oblystyq fılıalynyń ókili, oblystyq máslıhat depýtaty Dınara Ahmetova áıelder men jastarǵa arnalǵan 30 paıyzdyq kvotanyń saqtalýynyń mańyzdylyǵyn atap ótip, muny aýyl lıderleri úshin naqty «áleýmettik lıft» dep baǵalady.​​​Jıyn sońynda «Aýyl» partıasy Saıası keńesiniń músheleri Qazaqstan halqy men partıalastarǵa usynylǵan Konstıtýsıa jobasyn muqıat zerdeleýge, ony jan-jaqty túsindirý jumystaryn jandandyrýǵa jáne shyndyqqa janaspaıtyn arandatýshylyq jarıalanymdardyń jeteginde ketpeýge shaqyratyn Úndeý qabyldady.
«Aýyl» partıasynyń Baspasóz qyzmeti Baılanys telefondary: +7 747 160 63 90, +7 776 534 14 34, +7 747 479 95 76