- Nartaı Sarsenǵalıev: Jańa Konstıtýsıa sheneýnikterge emes, eń aldymen azamattarǵa arnalǵan
- Konstıtýsıa alǵash ret halyqpen túsinikti ári ashyq tilde sóıleıdi
- Nartaı Sarsegalıev: Novaıa Konstıtýsıa napısana dlá cheloveka, a ne dlá chınovnıka
- Nartaı Sarsengalıev zaıavıl: epoha syrevogo myshlenıa dlá Kazahstana zakonchılas
- Nartaı Sarsengalıev: Konstıtýsıa vpervye govorıt s narodom prostym ı ponátnym ıazykom
Qujat adam kapıtalyn basty basymdyq retinde belgilep, halyqty bıliktiń birden-bir kózi dep jarıalaıdy.
Qazaqstan Respýblıkasynyń jańa Konstıtýsıasy el damýy sapaly jańa kezeńge – basty nazarda adam, onyń bilimi, mádenıeti men ıntellektýaldy áleýeti turǵan kemel memleket kezeńine qadam basqanyn aıqyndap otyr. Májilistegi «AMANAT» partıasy fraksıasynyń jınalysynda depýtat Nartaı Sársenǵalıev Ata zańnyń jobasyna qatysty pikir bildirdi.
Onyń aıtýynsha, birinshi Konstıtýsıa qabyldanǵannan beri shırek ǵasyrdan astam ýaqyt ótti, sol aralyqta áleýmettik-ekonomıkalyq jaǵdaı ǵana emes, qoǵamnyń suranystary da ózgerdi. Sondyqtan jańa Konstıtýsıa burynǵy mátinniń jaı ǵana ózgertilgen nuqasy emes, tolyǵymen jańa masshtab pen mazmundaǵy qujat.
««Jańa redaksıadaǵy Ata zańnyń mátini aıqyn jáne naqty jazylǵan. Jańa Konstıtýsıa zań mátinderi árdaıym aýyr jáne túsiniksiz bolýy kerek degen qasań qaǵıdany joqqa shyǵarady. Qujat jeńil, anyq ári árbir azamatqa túsinikti tilmen jazylǵa», – deıdi Nartaı Sársenǵalıev.
Depýtat Konstıtýsıadaǵy mańyzdy jańashyldyq adam kapıtalynyń memlekettiń strategıalyq basymdyǵy retinde bekitilýi ekenin atap ótti. Alǵash ret konstıtýsıalyq deńgeıde bilim, ǵylym jáne ınovasıalardy damytý memlekettik saıasattyń negizgi baǵyty retinde belgilengen.
«Shıkizatty satý basty jetistik sanalatyn dáýir kelmeske ketti. Búgingi basty kapıtal – adamnyń ıntellektisi. Jańa Konstıtýsıada adam kapıtalyn, bilimdi, ǵylym men ınovasıany damytý memleket qyzmetiniń strategıalyq baǵyty dep naqty jazylǵan. Bul ǵalymdar, shyǵarmashyl adamdar men jastar úshin úlken sıgnal», – dedi ol.
Sársenǵalıevtiń aıtýynsha, qujat, sonymen qatar, sóz bostandyǵy, ǵylymı, tehnıkalyq jáne kórkem shyǵarmashylyq kepildigin, zıatkerlik menshiktiń qorǵalýyn kúsheıtedi. Bul normalar óz pikirin bildirýden qoryqpaı, eldiń damýyna qyzmet etetin adamdarǵa stımýl bolady.
Depýtat halyq egemendigi týraly negizgi erejege de nazar aýdardy. Jańa Konstıtýsıada memlekettik bıliktiń birden-bir kózi jáne egemendiktiń ıesi Qazaqstan halqy dep naqty jazylǵan.
«Bul túbegeıli mańyzdy norma. Ol Konstıtýsıa eń aldymen qarapaıym azamattarǵa, ásirese áleýmettik jaǵynan qıyn jaǵdaıda júrgenderge tirek bolýy kerek degendi bildiredi. Halyqtyń ál-aýqatyn arttyrý memlekettik saıasattyń basty krıterııine aınalýda», – dep atap ótti ol.
Sóz sońynda Nartaı Sársenǵalıev jańa Konstıtýsıany eski Ata zańmen salystyrý durys emes ekenin aıtty, óıtkeni olar ártúrli tarıhı kezeńge sáıkes keledi. Eger aldyńǵy Ata zań jas táýelsiz memlekettiń qalyptasýyn qamtamasyz etse, qazirgi qujat aıaǵynan nyq turǵan jáne bolashaǵyna senimmen qaraıtyn elge arnalǵan.
««Bul Konstıtýsıa jańadan qurylǵan memlekettiń emes, shekarasy bekigen jáne óz bolashaǵyn aıqyn kóretin egemendi eldiń qujaty. Uzaq merzimge eseptelgen tarıhı qujat, uzaq merzimge eseptelgen», – dep túıindedi sózin depýtat.
