Ulttyq banktiń búgingi deregine sáıkes, Qazaqstanda altynnyń resmı baǵamy 1 gram úshin 75 200,37 teńgege jetti. Bul – el tarıhyndaǵy eń joǵary kórsetkish.

Bir kún ishinde altyn baǵasy 2,59 paıyzǵa ósip, 1 895 teńgege qymbattaǵan. Al bir jyldaǵy ósim 65,7 paıyzdy quraıdy. 2025 jylǵy 13 qańtarmen salystyrǵanda baǵa 29 817 teńgege artqan.

Álemdik naryqta altynnyń bir troı ýnsıasy (shamamen 31 gram) 4 599 dollarǵa baǵalanyp otyr. Bul teńgemen eseptegende shamamen 2,35 mln teńge. Sarapshylar aldaǵy ýaqytta baǵa 6 000 dollardan joǵary deńgeıge jetýi múmkin ekenin joqqa shyǵarmaıdy.

Sonymen qatar mamandar altyn qunynyń qazirgi ósýi alypsatarlyq sıpatta bolýy yqtımal ekenin eskertedi. Mundaı jaǵdaıda naryqta kúrt túzetýler bolyp, baǵanyń qysqa merzimde tómendeý qaýpi saqtalady.