AQSH prezıdenti Donald Tramp 2026 jyldyń 1 aqpanynan bastap Danıa, Norvegıa, Shvesıa, Fransıa, Germanıa, Ulybrıtanıa, Nıderlandy jáne Fınlándıadan AQSH-qa jetkiziletin barlyq taýarǵa 10 paıyzdyq kedendik tarıf salynatynyn málimdedi.
Onyń aıtýynsha, «qasıetti jerge» eshkim qol suqpaýy tıis, ásirese másele AQSH-tyń jáne búkil álemniń ulttyq qaýipsizdigine qatysty bolsa.
Tramp 2026 jyldyń 1 maýsymynan bastap bul tarıf 25 paıyzǵa deıin ósetinin aıtty. Atalǵan baj salyǵy Grenlandıany tolyq ári túpkilikti satyp alý jóninde kelisim jasalǵanǵa deıin kúshinde bolady.
Prezıdent buǵan deıin Eýropalyq odaq elderi AQSH tarapynan eshqandaı tarıfke ilinbegenin, alaıda endi «qaryzdy qaıtarý ýaqyty kelgenin» atap ótti.
«Ǵasyrlar ótken soń, endi Danıanyń qaryzyn qaıtaratyn kezi keldi. Sebebi bul jerde álemdik beıbitshilik taǵdyry tur. Qytaı men Reseı Grenlandıaǵa qyzyǵýshylyq tanytyp otyr, al Danıa buǵan qarsy tura almaıdy. Qazirgi tańda olardyń qorǵanysy retinde nebári eki ıt jekken shana ǵana bar, onyń biri jaqynda ǵana qosylǵan. Bul oıynda tek AQSH qana tıimdi ári tabysty áreket ete alady», – dedi Donald Tramp.
