Danıada myńdaǵan adam AQSH prezıdenti Donald Tramptyń Grenlandıany aneksıalaý jónindegi málimdemelerine qarsylyq bildirip, kóshege shyqty.

Narazylyq aksıasy eldiń ekinshi iri qalasy – Orhýs qalasynda ótti. Mıtıńke grenlandıalyq otbasylar, azamattyq belsendiler jáne jergilikti turǵyndar qatysty. Jınalǵandar «Grenlandıaǵa qol suqpańdar!» jáne «Amerıkany elden ketirý kerek!» degen urandar jazylǵan plakattar kóterdi.

Sherý barysynda qatysýshylar Grenlandıanyń saıası bolashaǵyn tek osy aımaqtyń halqy ǵana aıqyndaýy tıis ekenin atap ótti. Olardyń aıtýynsha, araldyń taǵdyry syrtqy saıası múddelerdiń quralyna aınalmaýy kerek.

Sonymen qatar mıtıńke qatysqandar Danıa úkimeti óz aýmaǵynan eshqashan bas tartpaıtynyn jáne Grenlandıanyń egemendigine nuqsan keltiretin kez kelgen áreketke jol berilmeıtinin jetkizdi.

Aksıa beıbit túrde ótip, qoǵamdyq tártip buzylǵan joq.