AQSH prezıdenti Donald Tramptyń «Soltústik Koreıanyń túbine jetýge daıyndalyp júrmin» degen sózin KHDR tarapy jaýapsyz qaldyrmady. Bul joly Phenán AQSH-ty «otty ushqyndarmen» qorqytty, dep jazady Qamshy.kz aqparat agenttigi.

Phenán delegasıasynyń talqylaýynda TASS aqparattyq agenttigi tilshisiniń QHDR SİM basshysy Lı En Hoǵa «AQSH pen Soltústik Koreıa arasynda kelissózder bolýy múmkin be?» dep qoıǵan suraǵyna basshy: «Qazirgi AQSH-tyń Soltústik Koreıaǵa qarsy sanksıalar jarıalap, qysym kórsetip ári soǵys qaýpin tóndirip otyrǵan jaǵdaıda kelissózder júrgizýge qolaıly sát jaqyn arada týady dep oılamaımyn», - dep jaýap berdi.

Aıta keteıik, sársenbige qaraǵan túni Koreı túbeginiń ústimen eki amerıkandyq strategıalyq bombalaýshy ushaǵy ushyp ótti. Bul týraly Ońtsútik Koreıa áskeri málim etti. Amerıka tarapy bolǵan jaǵdaıdy japondyq jáne Ońtústik koreıalyq áskerı ushaqtarymen birlesip túngi jattyǵýlar ótkizgenin aıtty. Reuters agenttiginiń habarlaýynsha, osy ýaqytta AQSH prezıdenti Donald Tramp quqyq qorǵaý organdarynyń basshylarymen Soltústik Koreıanyń agresıasyna qalaı jaýap berýge bolatyn múmkindikterdi talqylap otyrǵan.