Ulttyq qaýipsizdik komıtetiniń Baspasóz qyzmeti Memlekettik shekaranyń barlyq perımetri boıynsha onyń ishinde qazaq-qyrǵyz ýchaskisinde josparly shekaralyq operasıa júrgizilip jatqandyǵyn habarlaıdy dep jazady Qamshy.kz aqparat agenttigi. 

Atalǵan operasıanyń maqsaty shekara keńistiginde zańǵa qaıshy áreketterdiń, terorıstik, kontrabandalyq jáne ózge de qylmystyq is-qımyldyń jolyn kesý, shekaralyq rejımniń jáne kóshi-qon zańnamasynyń saqtalýyn qadaǵalaý bolyp tabylady. 

Osyǵan oraı, shekaradan ótetin tulǵalardy, kólik quraldary, júkter men taýarlardy tekserý kúsheıtildi. 

Sonymen birge shekarany ótýge qandaı da bir shekteýler men tyıymdar salynǵan joq. UQK Shekara qyzmeti bólimsheleri jáne áskerı qyzmetkerleriniń is-áreketi Qazaqstan jáne shetel azamattarynyń quqyqtary shektelmeı, qatań zańnama sheńberinde iske asyrylýda.