Kúıeýi – reseılik fızık, áıeli – qazaqstandyq horeograf. Búginde erli zaıyptylar Máskeýde turady, ul men qyz ósirip otyrǵan baqytty ata-ana. Eki túrli ulttyń otaý qurýy ári baqytty ǵumyry týraly «Mır 24» telearnasynyń tilshisi bilip qaıtty.

Sáýle Jýkenova stýdentterge ár túrli ulttardyń bıin úıretedi, túrli sharalarǵa daıyndaıdy. Bıshi-horeograftyń aıtýynsha, bıdiń qıyny joq, sol sekildi bıge ıkemi kelmeıtin adam da bolmaıdy. Bı úıretýdiń de ereksheligi bar ekenin aıtady. Ózgege qandaı da bir ulttyń bıdegi qıymylyn kórsete otyryp, adamǵa sol ulttyń mádenıetin úıretkendeı kúı keshedi.

«Biz búgin qazaqsha bı úırendik. Qazaqstanda turatyn nemese mádenıetimen tanys adamdar bı qımyldaryn tez qaǵyp alady. Al ol ultpen múldem tanystyǵy joqtardyń stılısıkany qabyldaýy qıynǵa soǵady. Olarǵa qazaqsha bı úırený qıyn», - dedi «Álem mádenıeti» jobasynyń jetekshisi, horeograf Sáýle Jýkenova.

Halyqaralyq mádenı qatynastar jaıy Sáýlege etene tanys. Orys ultynyń erimen otaý qurǵanyna 32 jyl. Eki balasy bar. Jary Dmıtrıı Sáýleniń jattyǵýy aıaqtalǵansha esik syrtynda kútip otyrady. Jumysynan keıin birden daıyndyq zalyna kelýge tyrysady eken.

Dmıtrıı – fızık, horeografpen birneshe jyl bir shańyraq astynda turyp jatqan ózi de bıge birshama ıkemdelip qalǵan.

Erli-zaıyptylar Máskeýde qarapaıym páterde turady. Alaıda páterde eki ulttyń salt-dástúri sabaqtasyp jatady. Eń aldymen, gastronomıalyq jaǵy... Dmıtrıı kóbine káýap daıyndaǵandy jaqsy kóredi, al Sáýle et asady.

Ekeýi 1980 jyldary bı keshinde tanysqan. Sáýleni bir kórgennen unatqan Dmıtrıı ýaqyt sozbaı, súıgen qyzyna usynys jasaıdy.

«Dmıtrıı sóz salýǵa kelgende, birinshiden onyń jasy kishi ekenin, ekinshiden ózge ulttyń jigiti ekenin bildim. Mamandyǵy – fızık, al men – lırıkpin. Ózinen jaqsylap oılanýyn suradym, ol kelisti», - dep ótken kúnderin esine aldy Sáýle Jýkenova.

Ol ýaqytta Dmıtrıı kostúm men neke júzigin alýǵa ketken eken. Qaıta oralǵanda, jup úılený toıyn ótkizdi. Alǵashynda eki jaqtyń da ata-anasy nekege qarsylyq tanytqan, alaıda Dmıtrıı Qazaqstanǵa kelgende óziniń naǵyz otbasyn tapqanyn túsindi.

«Otbasy músheleri meni birden qabyldady. Búginde áıelimniń aǵasy meniń týǵan baýyrymdaı bolyp ketken. Sáýlege úılenemin dep, aǵaly bolǵanyma qýanamyn», - deıdi Dmıtrıı Jýkenov.

Erli zaıyptylar «mahabbat ultqa da, mádenıet ke de, dinge de bólinbeıdi» deıdi.