Germanıanyń Maındaǵy Frankfýrt qalasynda 12 qazanǵa qaraǵan túni aty ańyzǵa aınalǵan «Gete munarasy» tolyǵymen órtenip ketti dep habarlaıdy Qamshy.kz aqparat agenttigi segodnya.ua-ǵa silteme jasaı otyryp. Órt sóndirýshiler qurylysty qutqarý múmkin bolmaǵanyn málimdedi.

Órt sóndirýshiler kelip jetken sátte tolyǵymen órt jaýlap úlgergen aǵash ǵımarat qıraı bastaǵan.
Bıiktigi 22 metr aǵash ǵımarat 1867 jyly turǵyzylǵan. Birinshi dúnıejúzilik soǵystyń aıaǵyna taman tozyǵy jetken ǵımaratqa jóndeý jumystary júrgizilgen.

1931 jyly Geteniń  ómirden ozǵanyna 100 jyl tolýyna oraı 43 metrlik ǵımarat turǵyzylǵan. Onyń aınalasyna 3 ga jýyq saıabaq kórik berip tur. 2014 jyly kóktemde ǵımarat kúrdeli jóndeýden keıin ashylǵan bolatyn.

Munara qalanyń eń tanymal ǵımarattarynyń birine aınalyp, Germanıadaǵy eń bıik aǵash munaralardyń bestigine engen.