Pákistanda turmys jaǵdaıy tómen otbasylardyń balalary oqıtyn tegin mektep jumys isteıdi, dep jazady Qamshy.kz aqparat agenttigi. Mektep Karachı qalasynda ornalasqan.

Oqý orny matamen qorshalǵan, shatyry da qoldan jasalǵan. Soǵan qaramastan pákistandyq oqýshylardyń bilim alýǵa degen yntalary zor.

Shagýfta Nafıs úshin búginde ár kún meıram. Sebebi ol tegin mektepte bilim alatyn oqýshy qyz. Kúni keshe bolashaǵy qarań bolýy múmkin edi. Otbasynyń jaǵdaıy tómen bolǵandyqtan Shagýfa ózi bilim alyp jatqan mektepti tastaýyna týra keldi. Endigi onyń bilim alyp, bolashaǵyn aıqyndaýǵa oqytýshy-eriktiler kómektesetin bolady.

- Ata-anam meni mektepke jibere almaıdy. Óıtkeni otbasymyzda bala kóp. Páter jaldap turamyz. Sondyqtan anam tegin mektep týraly estip, birden meni sonda jiberdi. Maǵan ásirese ýrdý tilin oqyǵan unaıdy. Bolashaqta áskerge baryp, otan aldyndaǵy mindetimdi atqarǵym keledi, - deıdi mektep oqýshysy Shagýfta Nafıs.

- Bul jer biraz shýly. Aıtqandarymdy oqýshylar estimeı jatady. Balalardyń kóbi kóshede qaıyr tilep júrgender, jartysynyń otbasylyq jaǵdaıy tym tómen. Alaıda, báriniń oqýǵa degen yntasy zor. Olardy bolashaqta tabysty kúnder qarsy alý úshin biz barymyzdy salamyz, - dedi oqytýshy-erikti Sana Rıaz.