Erlan Karın Nursultan Nazarbaevtyń Sochıde TMD elderiniń basshylary qatysqan samıtte túsirilgen aq-qara sýreti beınelengen fýtbolka kıdi. Bul týraly Qamshy.kz aqparattyq agenttigi Sputnik saıtyna silteme berip jazady.
Qazaqstandyq saıasatker Erlan Karın Nazarbaevtyń jelini shýlatqan áıgili fotosy beınelengen kıim kıdi. Onyń keýdesinde Armenıa prezıdentiniń jeke fotografy Davıd Akopán túsirgen aq-qara sýret bar.
Bul Elbasynyń sulbasyna ǵana jaryq túsken sýret Wise Power heshtegimen jarıalandy. Aǵylshyn tilinen aýdarǵanda bul tirkes «parasat kúshi» degen maǵynany bildiredi.
Jeli qoldanýshylary Karınniń osylaı tez arada áreket etý eptiligine tańdanýda.
«Álemdik saıasatta jumsaq kúsh (Soft power) jáne aqyldy kúsh (Smart Power) degen túsinikter bar. Al Erlan Karın bolsa parasat kúshi (Wise Power) degen tirkesti oılap tapty. Bul Sochıdegi sýrettiń eń myqty anyqtamasy»,- dep Samat Nurtaza óziniń paraqshasyna jazdy.
Esterińizge sala keteıik, 11 qazanda Davıd Akopán Nazarbaevtyń sýretin jarıalaǵan bolatyn. Sýret Nursultan Nazarbaevtyń Sochıdegi TMD elderi basshylarynyń kezdesýinde túsirilgen edi.
Erlan Karın prezıdent sýretine alǵashqylardyń biri bolyp baǵasyn berdi.
Karın jeli qoldanýshylarynan: «Qazirgi kezde barlyq aqparattyq quraldar Elbasynyń tanymal sýretin jarıalady, aıtyńyzdarshy sizderdi osy sýret nelikten qyzyqtyrady?»,- dep surady.
Kópshilik bul fotodaǵy Nazarbaevty «Kresnyı otes» fılmindegi don Karleonmen jáne «Kartochnyı domık» telehıkaıasyndaǵy Frensıs Andervýdpen salystyrdy.
Karınniń áreketin basqa da qazaqstandyqtar qaıtalaǵysy keledi. Áleýmettik jeli qoldanýshylary jeıdeni qaı jerden satyp alýǵa bolatyndyǵyn surastyrýda.
