Qulsarylyq ǵashyqtar Marlen men Ánel jaqynda úılený toıyn jasamaq, dep jazady Qamshy.kz aqparat agenttigi. Bul týraly NTK arnasy málim etti.

Búgin baqytty kúnderin bastan keship jatqan Marlen men Ánel, kezinde kóp qıynshylyqty birge kórdi. Tipti eki jastyń syzat túspegen sezimine Qaznet qoldanýshylary da talaı márte tánti bolǵan edi. Alaıda taıaqtyń eki ushy bar. Osydan 7 jyl buryn súıiktisi syrqatqa shaldyqqan sátte oqýyn tastap, qıyn kezeńderde qyzynyń janynda bolǵan ǵashyq jigitti synaǵandardyń sanynda shek bolmapty.

«Qarsylyq bildirgender boldy. Qazir bári Allaǵa shúkir jaqsy. Bári orynyna keldi dep aıtýǵa bolady, dálirek aıtqanda. Buryn aıtqan adamdarda qazir túsinistikpen qarady, ómir bolǵan soń qatelesedi, qatelespeıtin adam bolmaıdy ǵoı. Onyń barlyǵyna túsinistikpen qaraımyn. Meniń eshkimge de renishim joq. Tek ózimniń otbasym, bolashaq jan jarym, aldaǵy ómirim ózimniń oıymdaǵydaı bolsa eken», – deıdi Marlen.

Iá, bir-birine degen adal mahabbaty, qazir eki jasqa tanymaldylyqty da tartý etti. Alaıda talaıdy tamsandyrǵan qos ǵashyq qarapaıym qalyptan tanbaq emes.

Bárin aıt ta birin aıt! Osydan 2 jyl buryn nekesin qıdyrǵan Marlen men Ánel qazirgi tańda dúbirli toıǵa ázirlikti bastap ketken. Adaldyǵymen talaı jastarǵa úlgi bolǵan Qulsarylyq qos ǵashyqtyń qýanyshty habary bar!

«Alla qalasa, bolady toı. Jaqynda mindetti túrde. Allahtyń qalaýymen!» – deıdi Marlen men Ánel.