Qyrǵyz Respýblıkasyndaǵy tabıǵı-klımattyq jaǵdaılarǵa baılanysty Qazaqstan Úkimeti kórshi memleketke gýmantarlyq kómek kórsetý týraly sheshim shyǵardy, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Bul týraly QR Úkimetiniń 2017 jyldyń 9 qazanyndaǵy "Qyrǵyz Respýblıksyna resmı túrde gýmanıtarlyq kómek kórsetý" týraly № 632 qaýlysynda aıtylady.

Qyrǵyz Respýblıkasyna resmı túrde kómek kórsetý maqsatynda memlekettik materıaldyq rezervten materıaldyq qundylyqtardy bronnan ajyratý tapsyryldy. Gýmanıtarlyq kómektiń ishinde kesilgen taqtaı, metalprokat  jáne aǵashtan jasalǵan baǵanalar bar.

"QR Syrty ister mınıstrligine gýmanıtarlyq kómekti qabyldaıtyn adamdy anyqtap, kómekti jetkizý máselesin úılestirý tapsyryldy. QR Investısıalar jáne damý mınıstrligine gýmanıtarlyq kómekti der kezinde tıis jerge Qyrǵyz Respýblıkasyna jetkizýge qatysty máseleni sheshý tapsyryldy", - delinengen qaýlyda.

Óz kezeginde Qorǵanys jáne aeroǵarysh ónerkásibi, Qarjy jáne Investısıalar jáne damý mınıstrligine osy qaýlydaǵy sharalardy qolǵa alý tapsyryldy.