Kúni keshe Qaırat Nurtas pen Juldyz Ábdikárimova basty róldi somdaǵan «Arman/Kogda angely spát» kınokartınasy úlken ekranǵa jol tartty. Qaırat pen Juldyz bul joly fılmdi astanalyq kórermendermen birge tamashalady.

Bul týraly Today.kz basylymyna súıene otyryp, Qamshy.kz aqparat agenttigi habarlaıdy.

Fılm bastalmas buryn Qaırat Nurtas túsirilim barysy týraly sóz etti.

“Bul fılmde ájepteýir eseıgen Qaıratpyn. Men otbasyly adamnyń rólin somdadym. Osy fılmniń jaryqqa shyǵýyn asyǵa kúttik, onyń maǵynasy tereń. Jalpy oıynymyzǵa kóńilim tolady. Taǵy birneshe fılmge tússek, akterlik qabiletimiz shyńdala túsedi dep oılaımyn. Fılmniń senarıi kúrdeli. Biraq Juldyzdyń arqasynda sátti shyqty dep oılaımyn. Tósek qatynasy bar kóriniste jarymnyń ornyn dýbler almastyrdy. Jalpy udaıy jarymnyń janynda bolyp, oǵan kómek berýge tyrystym», – dep atap ótti Nurtas.

Budan ózge, Qaırat akter atansa da, án aıtýdy tastamaıtynyn atap ótti.

Fılm Arman atty boıjetken men onyń súıiktisi týraly áńgimeleıdi. Toıǵa daıyndyq barysynda 4 birdeı mas erkek Armandy alyp qashyp, zorlaıdy. Muny bilgen Qurman súıiktisin qutqarmaq bolyp, keleńsiz jaıtqa tap bolady. Tipti, túrmege túsedi. Óz kezeginde zorlaýshylar bolǵan jaıtty qupıada saqtaý úshin Armanǵa aqsha usynady. Alaıda boıjetken ádildiktiń ornaǵanyn qalaıdy.

Eske sala keteıik, 9-qazan kúni Qaırat Nurtas «Arman/Kogda angely spát» fılminiń tusaýyn kesip, alǵash ret jary Juldyzdy el aldyna alyp shyqty.