Áskerılerdiń aldynda sóz sóılegen Qyrǵyzstan prezıdenti Almazbek Atambaev "qyrǵyz-qazaq shekarasynda oryn alǵan, Eýrazıalyq ekonomıkalyq odaqtyń barlyq normalary men kelisimderi buzylyp jatqan shekten shyqqan jaǵdaıǵa" qatysty óz oıyn aıtyp ótti, — dep habarlaıdy Qamshy.kz aqparat agenttigi sputniknews.kz saıtyna silteme jasaı otyryp.
"Bizdiń halyq kóp qıyndyqty basynan keshirdi. Úsh myńjyldyq tarıhy bar halyq eshqashan úsh kúndik qorshaý qorqyta almaıdy, eshqandaı qysym, aqsha, qorqytý áreketteriniń saldarynan sheteldiń qalaǵan "adamdaryn" saılamaıdy… Eger kimde kim óz kórshisiniń úıin órtegisi kelse, jeldiń baǵyty ózgerip, óz úıin de órt shalýy múmkin eken este saqtaý kerek. Biz sıaqty kórshiles elderge beıbit qarym-qatynasta, dostyqta ómir súrip, bir-birine kómektesý qajet. Qazaqstanda bolǵan ashtyq kezinde júz myńdaǵan qazaq sońǵy nanymen bólisken bizdiń halqymyzdyń arqasynda tiri qaldy. Sol ýaqyttan beri qazaq pen qyrǵyzdyń qany aralasyp, týys-baýyrdaı bolǵan. Bizdiń túp tamyrymyz bir. Árbir qyrǵyzdyń qanynda qazaqtyń qany, árbir qazaqtyń qanynda qyrǵyzdyń qany bar. Meniń burynǵy ájem de qazaq bolǵan. Meniń alǵashqy nemerem de qazaq", — dedi Atambaev saltanatty jıyn kezinde.
