Shymkentte ornalasqan Kaspi bank bólimshesine qaraqshylyq shabýyl jasaldy. Belgisiz adam bankke basa kóktep kirip, kasasyn tonap ketken dep habarlaıdy Qamshy.kz aqparat agenttigi. Bul týraly banktiń Instagram áleýmettik jelisindegi paraqshasynda jarıa etildi.

Keleńsiz jaǵdaı keshe 13 qazan kúni keshki saǵat 20:00-der shamasynda bolǵan. Banktiń baspasóz qyzmetinen habarlanǵandaı, qaraqshylyq shabýyl kezinde bank qyzmetkerleri men klıentter zardap shekpegen.

«Belgisiz bireý bankke kelip, tonap ketken. Osy kezde bank qyzmetkerleri  dereý dabyl tetigin basyp, tártip saqshylaryna habar berdi. Qazir oqıǵa ornynda polıseıler jumys istep jatyr. Banktiń qaýipsizdik qyzmeti qylmyskerlerdi anyqtaý  úshin  barlyq aqparatty berip, tártip saqshylarymen belsendi jumys isteýde.

Naqty qansha qarjy tonalǵany anyqtalýda», - delingen Kaspi banki baspasóz qyzmetiniń taratqan málimdemesinde. Sondaı-aq, bank ókilderi qylmysker týraly biletinder bolsa banktiń qaýipsizdik qyzmetine:  +7 747 388 29 34 nómirine habarlasýlaryn surady. Qupıalylyq bolatynyna kepil berip otyr. Tergeý sharalary júrgizilip, urlanǵan aqshanyń sommasy naqtylanýda.