Shymkentte qaraqshy bankten 16 000 000 teńge, 23 000 AQSH dollary men 8 500 Reseı rýblin qoldy etken, dep habarlaıdy Qamshy.kz aqparat agenttigi Ońtústik Qazaqstan oblystyq İİD-niń baspasóz qyzmetine silteme jasaı otyryp.

«13 qazan kúni 19.40-ta Shymkent qalasyndaǵy bankterdiń birinde «dabyl túımeshesi» qaǵyldy. Arada birneshe mınýt ótken soń Shymkent qalalyq İİB Ál-Farabı PB-niń jedel-tergeý toby oqıǵa ornyna kelip jetti. Bank qyzmetkeriniń sózine qaraǵanda, ǵımaratqa betine betperde kıgen belgisiz bireý edenge «jarylǵysh paket» tastap, tútin shyǵaryp, baltamen qorqytyp, aqsha berýin talap etken», - dep habarlady İİD.

Belgisiz azamat kasadan 16 mln teńge, 23 myń AQSH dollary jáne 8 500 rúbldi alyp ketken. Osy kezde qyzmetkerlerdiń biri «dabyl túımeshesin» basqan, alaıda kúdikti oqıǵa ornynan boı tasalap úlgergen.  Atalǵan jaıt boıynsha QR QK 192-baby 4-bólimi «Asa iri kólemdegi qaraqshylyq» boıynsha sotqa deıingi tergeýdiń biryńǵaı tizilimine tirkeldi. 

Aıta keteıik, keshe saǵat 19:40-ta Shymkent qalasyndaǵy Kaspıı bank bólimshesine qaraqshy shabýyl jasaǵan bolatyn.