20-shy qazannan bastap jeltoqsan aıynyń sońyna deıin mánerlep syrǵanaýdan «Rostelecom Cup-2017» Gran-prı serıasynyń kezeńi ótedi. «Rostelecom Cup-2017» bıylǵy Gran-prı serıasyn bastaıtyn alǵashqy jarys bolmaq. Álemniń eń úzdik mánerlep syrǵanaýshylary Reseı astanasy Máskeýde bas qosady,- dep habarlaıdy Qamshy.kz aqparat agenttigi.
Atap aıtsaq, Qazaqstannyń namysyn el maqtanyshy Denıs Ten men Elızabet Tursynbaeva qorǵamaq. Denıs Ten 2014 jyly mánerlep syrǵanaýdan Sochı olımpıadasynyń qola júldegeri, mánerlep syrǵanaýdan 2013 jylǵy álem chempıonatynyń kúmis medal júldegeri, Vİİ qysqy Azıa oıyndarynyń jáne 2017 jylǵy Qysqy Ýnıversıadanyń chempıony, Qazaqstan Respýblıkasynyń halyqaralyq dárejedegi sport sheberi. Al, Elızaveta Tursynbaeva Qazaqstannyń úsh dúrkin chempıony jáne 2016 jylǵy jasóspirimder arasyndaǵy Olımpıada oıyndarynyń qola júldegeri.
Sondaı-aq, jarysqa erler arasyndaǵy 2014 jylǵy Olımpıada chempıony jáne qazirgi álem chempıony japonıalyq Iýdzýrý Hanú jáne qyzdar arasynda eki dúrkin álem chempıony reseılik Evgenıa Medvedeva bar.
