Zańdyq saýattylyq – búgingi qoǵam talaby. Óziń ómir súrip jatqan eldiń zań erejelerin, quqyqtyq qaǵıdalaryn bilmeýden kez kelgen azamattyń utylatynyn, keıde bilmestikten esesin jiberip alatynyn bylaı qoıǵanda, quqyqtyq saýattylyqtyń tómendigi – óte qaýipti der edik. Osyndaı bilmestiktiń saldarynan bolar, sońǵy ýaqytta jańalyqtar leginde túrli jaǵa ustatar, qynjyltar jaıttar týraly aqparattar azaımaı tur.
Ádiletsizdikke tap bolyp, qolyna kisen salynǵan ulyn qorǵaý úshin sharq urǵan ana, ary taptalyp, zorlyqqa tap bolǵan qarakóz qyzdar, jumys berýshiniń qur sózine senip, qaǵaz júzinde rásimdemegendikten, jumys berýshige eńbegin jegizgen qyz-jigitter, alaıaqtarǵa aldanyp, jer men baspana daýynyń ortasynda qalǵan halyq, taǵysyn taǵylar. Osynyń barlyǵy qoǵamymyzdaǵy quqyqtyq sananyń áli de bolsa tómendigin, zańdyq saýattylyqtyń jetispeıtindigin baıqatsa kerek.
Osy tusta qazaq jýrnalısıkasyna eńbegi sińgen ardager jýrnalıs Nurtileý Imanǵalıuly «Eýrazıa» birinshi arnasymen birigip, «Zań sóılesin!» dep atalatyn jobany qolǵa aldy,- dep habarlaıdy Qamshy.kz aqparat agenttigi. Jobanyń maqsaty – halyqqa zań erejelerin túsindirý, zańǵa saı qandaı quqyqtary men múmkindikteri bar ekenin uǵyndyrý, belgili bir daýly máselelerden zań sheńberinde qalaı shyǵýǵa bolatynyn kórsetý. Sebebi zańdy túbirinen bilmeıtin adam qoǵamda belgili bir jaıttarǵa tap bolǵanda, ózine senimsizdik tanytyp, qarsy tarapqa ózin jyǵyp beredi, jeńilip bara jatqanyn sezse, «aqsha ustatyp», jemqorlyqqa súrleý salady.
«Meniń televızıada 44 jyl júrgende túıgenim – biz bárin bilemiz. Biraq zańmen tanys emespiz. Kez kelgen táýelsiz Qazaq eliniń azamaty óziniń zańmen tanys bolmasa, túptiń túbinde zań onymen tanysatynyn esten shyǵarmasa dep oılaımyn. «Zań jáne zaman» (red.esk. – baǵdarlamany) dep te ataýǵa bolar edi. Biraq, qalaı bolǵanda da biz endigi jerde ózimizden buryn tártipke, ádiletke júginýdiń jalǵyz joly – zańdy sóıletý. Zań sóılese – kez kelgen kórermenge kómek bolady ǵoı degen senimimiz bar.
Ókinishke oraı, qazirgi qazaq televızıasynda mundaı janr kóp emes. Qazir ne kóp – shoý kóp, konserttik baǵdarlamalar kóp. Al elge kómek bolatyndaı, elmen aqyldasatyndaı, bolyp jatqan jańalyqtarǵa únińdi qosatyndaı pýblısısıkalyq sýrettemeler, ocherkterdiń azaıýy qynjyltady. Al bul joba osyndaı olqylyqtardyń ornyn toltyratyndaı dúnıe bolatyndaı kórinedi maǵan», - deıdi joba júrgizýshisi Nurtileý Imanǵalıuly.
Qazaq tilindegi jańa teleónim sújetter men arnaıy reportajdarǵa qurylyp, jýrnalıser qoǵamda oryn alyp jatqan is júzindegi keleńsizdikterdi ashyp kórsetedi. Munymen qatar, «Zańger keńesi» aıdarynda kez kelgen qazaqstandyq zań salasyndaǵy ózin qyzyqtyrǵan kókeıkesti suraqtarǵa jaýap ala alady.
