Qurama Shtattar Birikken Ulttar Uıymynyń (BUU) 2018-19 jyldarǵa arnalǵan búdjetiniń 285 mıllıon dollarǵa qysqarǵanyna qoldaý kórsetip, "durys baǵytqa durys qadam jasaldy" dep atady.
24 jeltoqsanda BUU Bas Assambleıasy aldaǵy eki jyldyń búdjetine 5,396 mıllıard dollar bekitti. Bul 2016-2017 jyldarǵa qaraǵanda, 285 mıllıon dollarǵa az, dep Qamshy.kz aqparat agenttigi Azattyqqa siltep jazady.
Bul sonymen birge BUU Bas hatshysy Antonıo Gýterrısh suraǵan 5,4 mıllıard dollardan shamaly az. Qurama Shtattar ádettegideı BUU-nyń bas donory retinde qalyp otyr. Negizgi búdjettiń 22 paıyzyn qarjylandyrady.
"Búdjetti únemdeý arqyly biz shtatty jáne BUU-nyń qoldaý fýnksıasyn qysqarttyq. Negizgi artyqshylyqtardy nyǵaıttyq jáne barlyq júıe boıynsha esep beretin tártip engizdik", - dep málimdeıdi AQSH elshisi Nıkkı Heılı.
Ol sonymen birge "amerıkalyqtardyń jomarttyǵyn paıdalanýǵa jáne baqylaýsyz qalýyna jol bermeımiz" dedi.
Ótken aptada AQSH prezıdenti Donald Tramp Izraıl astanasyn Ierýsalım dep moıyndaýdan bas tartqan BUU rezolúsıasyn qoldaǵandardy qarjylandyrýdy toqtatamyz degen. Rezolúsıany 128 el qoldap, 9-y qarsy bolǵan.
