Qazaqstan prezıdenti Nursultan Nazarbaev jyl qorytyndysy boıynsha otandyq BAQ ókilderimen kezdesý ótkizdi, dep jazady Qamshy.kz aqparat agenttigi.

Bul týraly Aqordanyń Feısbýktegi paraqshasy habarlady.

Kezdesý barysynda Elbasy jýrnalıserdiń ózekti suraqtaryna jaýap berdi.

«Jaqynda maǵan bireý hat jazdy. Onda «Nazarbaevqa eskertkish ornatýdyń qajeti joq» delingen. Men onymen tolyq kelisemin. Munyń bári bos áýreshilik. Qashan da buǵan qarsy shyǵamyn.

Tek ýnıversıtettiń Nazarbaev atymen atalǵanyna keliskenmin. Ondaǵy maqsatym – ýnıversıtetti memleket pen bılik qoldaýy kerek edi. Al buryn-sońdy ondaı bolmaǵan. Bul ózge joǵarǵy oqý oryndaryna úlgi bola alatyn aldyńǵy qatardaǵy ýnıversıtet.

Ózgesiniń bári jergilikti bıliktiń sheshimi. Árıne, buıryq berip, bárine tyıym salýym múmkin. Qazaqstan azamattaryna bulaı isteýdiń qajeti joq dep ylǵı aıtyp otyramyn. Kerek emes! El seniń istegen áreketińdi baǵalap, sonymen esine alý kerek. Eskertkishter ornatý arqyly emes, óz isimmen el esinde qalǵym keledi», - deı kele jýrnalısiń Fýrmanov kóshesiniń Nazarbaev dep ózgerýine qatysty saýalyna jaýap qatty.

«Almaty – meniń týǵan qalam. Bári úshin rahmet. Degenmen qajeti joq edi», - dedi memleket basshysy.