Almatyda kólik reformasyn jáne qoǵamdyq kólik júıesin turaqtandyrý aıasynda jyljymaly sostavty jańalaý jáne baǵyttar jelisin ulǵaıtý jumystary júrýde. Osyǵan oraı, búgin syıymdylyǵy shaǵyn avtobýstar qatynaıtyn jańa eki №46 jáne №122 baǵyttary ashyldy, dep habarlaıdy Qamshy.kz aqparat agenttigi Almaty qalasy ákimdiginiń málimetine súıenip habarlaıdy. 

Aıta keterligi, Jetisý aýdany turǵyndarynyń kó ótinimderi boıynsha № 46 baǵyty ashyldy. Kólik Pervomaıka yqsham aýdanyn – Ýnıversaldy bazardy – Qulager eldi mekenin – Jetisý aýdandyq ákimdigin – Belınskıı kóshesin qamtyp, «Almaty-1» temirjol vokzalyna deıin barady. Bul baǵyt boıynsha jyljymaly sostvatyń 10 birligi qyzmet kórsetedi, ınterval arasy 10 mınýt. Boljamdaǵy jolaýshylar legi - táýligine 3000 adam.

Alataý aýdanyndaǵy Rahat jáne Mádenıet eldi mekenderi turǵyndaryn kólikpen qamtý úshin buryn bir ǵana avtobýs qatynaıtyn №122 baǵytyna trassıfıkasıa boıynsha ózgeris engizildi, endi kólik mynalardy qamtıdy: Rahat, Mádenıet yqsham aýdandary - №196 mektep - M.Shoqaı kóshesi - Ortalyq - ÚAK- Saıaly – HQKO avto - Aqyn Sara kóshesi - B.Momyshuly kóshesi - Ýnıversıada kóshesi - Alataý aýdanynyń HQKO. Búginnen bastap bul baǵyt boıynsha bes avtobýs júrýde, ıntervaly 20 mınýt.