AQSH 20 jasqa deıingi jas jetkinshekterdiń qaza bolý kórsetkishine baılanysty kósh bastap tur, dep habarlaıdy Qamshy.kz aqparat agenttigi Life.ru saıtyna silteme jasaı otyryp. –

Baltımordaǵy Djon Hopkıns aýrýhanasynyń zertteýshileri Álemdik densaýlyq saqtaý uıymyndaǵy derekterdi paıdalana otyryp 1961 men 2010 jyldar aralyǵyndaǵy adam óliminiń sebepterin anyqtaǵan. Kishkentaı balalar men jasóspirimderdiń kóz jumý sebepterin anyqtaý barysynda 20 jasqa deıingi amerıkalyq jas jetkinshekter ózge elderge qaraǵanda 57%-ǵa artyq kóz jumǵan eken. Olardyń qatarynda Kanada, Avstralıa, Fransıa, Shvesıa jáne Ulybrıtanıa elderi de bar.

Ǵalymdardyń aıtýynsha, AQSH-ta kishkentaı balalar men jasóspirimderdiń ólimi artyp keledi eken. 2001-2010 jyldar aralyǵynda AQSH-ta 20 jasqa deıingi jas jetkinshekterdiń ólimi ózge eldermen salystyrǵanda 76%-ǵa kóp bolǵan.

Sonymen qatar, jas jetkinshekterdiń kópshiligi oq tıip jaraqattaný nátıjesinde kóz jumady eken. Ǵalymdardyń aıtýynsha, 15 pen 19 jas aralyǵyndaǵy balalardyń 82%-y oq tıip jaraqattaný saldarynan qaza tapqan.