Qazaqstannyń Mádenıet jáne sport mınıstri Arystanbek Muhamedıuly 1972 jylǵy Múnhen olımpıadasynyń chempıony Áljan Jarmuhammedovpen kezdesti dep habarlaıdy Qamshy.kz aqparat agenttigi.  Bul týraly mınıstr Facebook áleýmettik jelisindegi óz paraqshasyna jazdy.

Áljan Músirbekuly Qazaqstanǵa "Astana" basketbol klýbynyń arnaıy shaqyrýymen kelip, elordadaǵy balalar akademıasy tárbıelenýshilerine sheberlik synybyn ótkizipti. Kezdesý barysynda mınıstr qazaqstandyq jas sportshylarǵa kórsetken qoldaýy úshin alǵysyn bildirdi.

- Ataqty basketbolshynyń Qazaqstan basketboly týraly bóliseri kóp eken. Óz isiniń sheberi retinde Jarmuhamedov pikirlerin aıtyp, mańyzdy máselelerdi qarastyrdyq. Kezdesý óte qyzyqty ótti. Qonaǵymyzǵa estelik syılyq usynyp, Ańyz adammen sýretke tústik, - dep jazdy mınıstr Muhamedıuly óz paraqshasynda.

Aıta keteıik  1972 jyly Múnhende ótken Olımpıada oıyndarynda Áljan Jarmuhammedov qazaqtan shyqqan tuńǵysh olımpıada chempıony ataǵyna ıe bolǵan.  1976 jylǵy olımpıada oıyndarynda qola júlde ıelendi. Eńbegi sińgen sport sheberi  Áljan Jarmýhamedov KSRO quramasy qatarynda Eýropa chempıonattarynda tórt ret jeńis tuǵyryna kóterilip, eki márte Álem chempıonaty fınalyna jetti.

"Azıa anakondasy" atalǵan boıshań (2,07 sm), taramys deneli Aljan Músirbekuly qarsylastarynan jylandaı sytylyp, dopty dóp tıgizetin!