Almaty oblysynda 3-jastaǵy qyzdy aıaýsyz tistelep, murnyn julyp alǵan ógeı áke qamaýǵa alyndy, dep QazAqparat tilshisi. Bul jóninde oblystyq İİD baspasóz qyzmetiniń ókili Kóbeıhan Nurahmetov málim etti.

«Bastapqyda kúdiktiniń ústinen QR QK 107 babyna sáıkes «Densaýlyqqa qasaqana aýyrlyǵy ortasha zıan keltirý» is qozǵalǵan. Qazir 107 bap QR QK-ń 106 babyna «Densaýlyqqa qasaqana aýyr zıan keltirý» aýystyryldy», dep málimdedi Nurahmetov.

Aıta ketý kerek, kishkentaı qyzdy aıaýsyz tistelegen 1986 jylǵy kúdikti buǵan deıin eki ret sottalǵan. Ol 2005 jáne 2013 jyldary zorlaýǵa talpyný jáne tonaý qylmystary boıynsha jaýapqa tartylǵan. Ógeı ákeden jábir kórgen 3-jastaǵy qyz aýrýhanada 20 kún boıy em qabyldady. Endi balanyń murnyna plasıkalyq ota jasaý qajet.

Esterińizge sala keteıik, sumdyq oqıǵa Talǵar aýdanynyń Tuzdybastaý aýylynda bolǵan. 3 jasar qyzy bar Aıaýlym Mataeva Rınat esimdi erkekpen azamattyq nekede páter jaldap turǵan. Qaıǵyly jaǵdaı bolǵan kúni ishimdikke toıyp alǵan kúıeýi áıelin araqqa jumsap jibergen. Ol kezde búldirshin shyrt uıqyda eken. Aıaýlym dúkennen oralǵanda Rınattyń balany qınap jatqan jerinen túsken. Bul kezde ógeı áke balanyń murnyn tistep, julyp alyp úlgergen.