Mınıstr: Hıdjab kıetin qyzdardyń ata-analary jeke mektep ashýǵa quqyly

/uploads/thumbnail/20180115185817787_small.jpg

Qyzdary oramal taǵyp, hıdjab kıetin ata-analar demeýshi taýyp, jeke mektep asha alady. Bul týraly din isteri jáne azamattyq qoǵam mınıstri Nurlan Ermekbaev aıtty, dep habarlaıdy Qamshy.kz aqparat agenttigi Sputnik Qazaqstan saıtyna silteme jasaı otyryp.

«Bizde medreseler bar, medrese degen arnaıy dinı bilim berý mekemesi. Biraq qalǵan bilim berý júıesi dinnen bólingen. Ol barlyq zańdarda jazylǵan nárse. Biraq qazirgi tańda zań uldar men qyzdar bólek oqıtyn jekemenshik orta bilim mekemesin ashýǵa múmkindik beredi. Ázirge bul másele zerttelip jatyr. Bizdiń azamattar buǵan qanshalyqty daıyn, osyny anyqtap alýymyz kerek. Alaıda bul mektepter bilim jáne ǵylym mınıstrliginiń sertıfıkatyn alǵan, dinnen bólingen mektepter bolady. Sáıkesinshe mundaı bólek mektepterde qyzdar oramalsyz júre alady. Eger múlde oramal taqpaı, hıdjabsyz júre almasa, onda ata-analar birigip, demeýshi taýyp, jeke mektep asha alady, buǵan quqyqtary bar», — dedi Ermekbaev úkimet otyrysynan keıin.

Osy oraıda mınıstr Aqtóbede mektep mańynda namaz oqyǵan áıelderdiń áreketine qatysty túsinikteme berdi. Aıtýynsha, olarmen túsindirý jumystary júrgiziledi.

«Kez kelgen jerde namaz oqý Qurannyń da, sharıǵattyń da talaptaryna sáıkes kelmeıdi. Zańda dinı rásimder, qulshylyq etý arnaıy oryndarda jasalý kerektigi aıqyn kórsetilgen. Jalpy normatıvtik-quqyqtyq aktini buzǵany úshin jaýapty tulǵalarǵa 10-nan 20 AEK-ke deıin aıyppul salynady. Biraq Aqtóbedegi 3-4 áıeldiń jazalanatyn-jazalanbaıtynyn aıtý qıyn. Biraq olarmen túsindirý jumystary júrgiziledi. Biraq, meniń oıymsha, kóshede namaz oqý bul durys emes», — dedi mınıstr.

Mınıstr: Hıdjab kıetin qyzdardyń ata-analary jeke mektep ashýǵa quqyly

Qatysty Maqalalar