Abý-Dabı qalasynda qańtardyń 15 men 18 aralyǵynda XI Dúnıejúzilik «Bolashaqtyń energıasy» samıti ótip jatyr. Aýqymdy sharaǵa 26 myńnan astam adam qatysyp, 20 eldiń pavılony men  650 kompanıalar eksponenti usynyldy.

Samıt jumysyna QR energetıka Mınıstri Qanat Bozymbaev pen «Astana EKSPO-2017» UK» AQ Basqarma Tóraǵasy Erbol Shormanov qatysty.

Kórmege «Astana EKSPO-2017» UK» AQ uıymdastyrǵan jalpy aýmaǵy 195 sharshy metrdi quraıtyn Qazaqstan pavılony qoıylǵan.

– Pavılonda elimizde iske asyrylyp jatqan, sonyń ishinde «Sıfrlyq Qazaqstan» memlekettik baǵdarlamasy, «Astana» Halyqaralyq qarjy ortalyǵy, sondaı-aq jańǵyrtylatyn energıa kózderi salasyndaǵy jobalar men kólik-logıstıkalyq ınfraqurylym salasyndaǵy birqatar aýqymdy jobalar qoıylǵan», – dep atap ótti E. Shormanov.

«Astana EKSPO-2017» UK» AQ samıtke jyl saıyn qatysady. Qazaqstan úshin bul – balamaly energetıka salasyndaǵy suraqtardy talqylaıtyn alań, sonymen qatar, elimizge ınvıstısıalar tartýda da mańyzdy.

İs-sharada energetıka salasyndaǵy sońǵy álemdik trendter men ınovasıalyq jobalarmen tanysý múmkindigi bar.