"ArselorMıttal Temirtaý" AQ eńbekaqynyń ózgertilgeni týraly málimdedi, - dep habarlaıdy Tengrinews.kz tilshisi kompanıanyń baspasóz qyzmetine silteme jasap.
2018 jyldyń 1 qańtarynan bastap "ArselorMıttal Temirtaý" AQ jáne "Órken" JSHS-nyń 2017 jyldyń 31 jeltoqsanyndaǵy tizimine engen jumysshylardyń jalaqysy ósetini habarlanyp otyr.
"ArselorMıttal Temirtaý" AQ kómir departamentiniń jerasty toptaryna jáne "Órken" JSHS temir kenderinde qyzmet etetin jumysshylarynyń jalaqysy 30 paıyzǵa kóteriledi", - delingen habarlamada.
Sonymen qatar, "Órken" JSHS kómir departamentiniń jerústi jumysshylaryna, bolat departamenti jáne "ArselorMıttal Temirtaý" AQ bolat departamentiniń barlyq qosalqy qyzmeti jumysshylarynyń eńbekaqysy greıd júıesimen 30 paıyzǵa ósetini habarlandy.
"ArselorMıttal Temirtaý" AQ kómir departamentiniń jerústi jumysshylarǵa jalaqyny ósirý máselesi 2018 jyldyń 26 qańtarynda qarastyrylyp, sheshim qabyldanady eken.
Pikir qaldyrý