Kez-kelgen el óz eliniń keleshegin  óskelen urpaqpen baılanystyrady.  Qaısar rýh pen qara kúshti qarý etip, erkindik úshin kúresken babalarymyzdyń erlik jolyndaǵy kúresi búgingi tańda aıbyny aspan tiregen táýelsizdik tuǵyryn bıiktetti. Elbasymyzdyń keremet sózi «Qara sýda qaımaq bolmaıdy. Has sheberde oımaq bolmaıdy», - degen. Oımaqsyz-aq halyqtyń oıynan shyǵý úshin, árıne, taǵyda bilim men aýyzbirshilik kerek. Qalaıda bolmasyn osy táýelsiz elimniń bir kádesine jaraıyn degen Qazaqstannyń ár perzentine múmkindik bar. Qazirgi zamanda babamyzdyń tabany tımegen jerge, balamyzdyń qalamy tıetin zaman. Osyndaı múmkindikterdi paıdalanyp birge atsalysatyn ýaqyt keldi.

Qańtardyń 12-shi juldyzynda qasıetti qara shańyraǵymyz Qazaqstan Respýblıkasy Ulttyq kitaphanasynda «Jastar keńesiniń» uıymdastyrýymen «Búgingi jastar-erteńgi bolshaǵymyz» atty dóńgelek ústel ótkizildi. Kitaphanashylardyń basyn qosqan bul jıynda Ulttyq kitaphana dırektorynyń orynbasary Ajar Hamıtqyzy sóz alyp, jastarǵa úlken senim bildirdi. Jıyndy Ulttyq kitaphanamyzdyń janynan qurylǵan  «Jastar keńesiniń» músheleri Elbasynyń Joldaýymen jalǵastyrdy. QR Prezıdenti N.Á.Nazarbaev 2018 jyldyń 10 qańtarda Qazaqstan halqyna «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Joldaýyn jarıalanǵanyn aıta otyryp, Prezıdenttiń óz joldaýynda el damýynyń 10 negizgi mindetin naqty kórsetti. Sonyń ishindegi «Adamı kapıtal-jańǵyrý negizi» atty jetinshi tarmaǵyna erekshe toqtaldy. Adamı kapıtaldyń jańǵyrýy kitaphana isimen tikeleı baılanysty bolǵandyqtan, Almaty qalasy boıynsha Ortalyq ǵylymı kitaphanasy,Zaǵıp jáne nashar kóretin azamattarǵa arnalǵan respýblıkalyq kitaphana,Respýblıkalyq ǵylymı-pedogogıkalyq kitaphana, sonymen qatar Q.I Sátbaev atyndaǵy Qazaq Ulttyq tehnıkalyq zertteý ýnıversıteti,Ál-Farabı atyndaǵy Qazaq Ulttyq ýnıversıtetteriniń kitaphanalary da atsalysty.

Jastar keń aýqymdy talqylaý jasap, joldaýdyń mańyzy men onyń erekshelikterine toqtalyp, jeke oı-pikirlerin qyzý talqyǵa saldy. Jıynda «Jastar Keńesiniń» músheleri aldaǵy jarty jyldyq  josparlarymen bólisti. Aıtylǵan josparlarǵa atsalyp Q.I.Sátbaev atyndaǵy Qazaq Ulttyq tehnıkalyq zertteý ýnıversıtetiniń Sırek kezdesetin kitaptar jáne dısertasıa oqý zalynyń qyzmetkeri Moldaǵojanova Almagúl Tóleýhanqyzy aldaǵy ýaqyttaǵy jospar boıynsha belgilengen aqıyq aqyn-Muqaǵalı Maqataevtyń týylǵan kúnine arnalǵan arnaıy keshti qoldaıtynyn jetkizip, ózindik keremet oılarymen bólisti.

Jıynǵa kelgen jas kitaphanashylarǵa arnaıy saýalnamalar taratylyp, Ulttyq kitaphanamyzdyń oqyrman bıletteri tabystaldy. Jıynnyń sońynda aldaǵy ýaqytta osy jáne de ekinshi taraptaǵy josparlardy qosa otyryp belsene jumys ataqaramyz degen sheshimge toqtaldy.

Aıkenje Jaqsylyqqyzy,

QR Ulttyq kitaphanasy

Sırek kezdesetin kitaptar men qoljazbalar qyzmeti